سيدي يآوآلد الشعب وحبيبه
غيبتك صعبه وفقدآنك مصيبه

كيف اعيش العمر بعدك وانت عمري
عمري بدونك أنا كيف اهتني به

كل حاجه من بعد فرقآك تبكي
الفجر والناس والارض الرحيبه

والشوآرع والمبآني والصحآري
والقمر من مطلعه حتى مغيبه

تكتبك بدموعها أصغر بنآتك
آه يآحزني ودمعآي السكيبه

كل ما المح شي غادرت وتركته
أشعر بوحشة فرآق وطول غيبه

مجلسك نظآرتك بشتك عقآلك
والزوايا والممرآت الكئيبه

كلها تبكي على موتك وأنا ابكي
يأأطيب اهل الارض وأكثر قلب طيبه

بآقي في قلبي كلام ما سمتعه
آه ليتك بس تسمع وأحكي به

لو أبحكي عنك في غيآبك واسولف
يخنق الدمع الحكي قبل ابتدي به

مآ بقى موعد وأمني فيه نفسي
يآعسى الميعآد في جنآن رطيبه

والعوض في سيدي سلمآن بعدك
عمي اللي جآمع رحمه وهيبه

والعوض في سيدي مقرن ومقرن
المنآصب قدهآ ولآ هي غريبه

والبقآ للدآر والشعب السعودي
بعد فرقى وآلد الشعب وحبيبه


سحاب بنت عبد الله بن عبد االعزيز آل سعود