مدخل
ظنيت بك يا ليل ظنّ المخاشيـر
الي يزيحون النـكد بـ ابتسامه
وجيتك تواسيني / لقيت أكثري ( طير )
وكنّك ( قفص ) يصعب علي اقتحامه
عمق
لمـي حطامـي فـي يديـك وعطينـي
عذرٍ ينام فعتمتـه ذنـب الأحبـاب
البارحـة .. عانـق غيابـك حنيـنـي
وأشعلت للذكـرى / تفاصيـل غيـاب
البارحة طاحـت مـن أهـداب عينـي
حبايب وذكـرى / عصافيـر وألعـاب
من صدمتي !! مـرت عيونـك تبينـي
أكفّـن طعـون المحبـيـن بأسـبـاب
كيف أنصفك ؟ واللـي تركتيـه فينـي
ظلـم ٍيشـرّع للنهايـات الأبــواب
كم قلت لك : بيـن ارتيابـك وبينـي
حلم ٍ تـوارى فـي متاهاتـك وغـاب
مـدي غيابـك وارحلـي واقنعيـنـي
إن الوفـاء كذبـة محبيـن وأصحـاب
وإني فزحمـة مـا مضـى مـن سنينـي
عجزت لا القى لأصدق احساسي أحباب
مخرج
بيني وبينك دم وعـروق وأنسـاب
ودونك قصر حظي ولا بـه غرابـه
أدون منّك حلم ما يـوم قـد جـاب
شلـون بتجيبـك حظـوظ الغلابـه
لارواحكم النقيه