منتديات بعد حيي - عرض مشاركة واحدة

معرض الوسام · 04-07-2015, 04:37 AM

مدخل

و سنين مآ مرّ بـ عيوني وطن ضيّ ،
تقدر تسمي مآ مضى ( سنين عتمه ) !

من أخري جييييييت ،
............... و أبسألك شيّ :
تجي نموت ؟!
...... ( أحس هـ العمر كتمه ) !

عمق

غاب ضوّ الشمس و إزداد الظلام
و كل شمعه بالشوارع .. طافيه ..

إستعرت الصمت من فم الكلام
الحروف أحيان : ماهي كافيه ..

خطوتي صارت على حد الحُسام
من غدت كل الأماني : حافيه

طفلة الما .. ذبلت أوراق الغرام
بعد ما كانت علينا .. ضافيه ..

الجفا ما كان لي برد و سلام
حيييل مشتاق المطر يا جافيه ..

ألف مرّه قلت لك : بُعدك حرام
كيف أدفا بلا كفوفٍ دافيه !

في غيابك كانت الفرحه حطام
و كانت إيدين المواجع وافيه ..

ردي لـ صبحي تغاريد الحمام
حاولي بشتّى الدروب الخافيه

و رتّبي لي دمعتين ..بلا ملام
ودي أبكيك بـ ليالي لافيه ..

أو خذيني للبعيييييد من الغمام
الرحيل أحيان : ديره شافيه !

ودّي ارحل ما يناسبني الزحام
و أسكن أنفاس الغيوم الصافيه ..

عمر هذا الحزن فيني ما ينام
و فرحتي نامت منام العافيه ..

طفلة الما / مالت غصون الكلام
و الحروف حلول : ماهي كافيه !

ما يموت الشعر في صدري مدام
غيبتك وزن و حضورك قافيه ..

مخرج

قهر و أنا ما زلت أقول للشطّ :
. . . . . محتاج لي ( إنسان يغرق عشاني ) !

شفني تعبت أحطّ و أشيل و أحطّ
. . . . ( بشر / حجر ) يا شطّ بين المحاني !

لأرواحكم العذبه