منتديات بعد حيي - عرض مشاركة واحدة

معرض الوسام · 03-02-2016, 12:02 AM

مدخل

شرود ذهني .. وارتباك .. ونهايات
كل شئ بغيابك .. وصل للنهايه !

ماراح أقول إنك حبيب البدايات
أقول انا دايم أعيشك بدايه

عمق

من أول الضيقه .. إلى غصّة الياس
سادت ظنون ومن عتبها تحطمت !

سريت من ليل التباريح ، عسّاس
علّي أشوفك ( نور ) لكنّك أظلمت !

حزني شجر واعذارك وبسمتك فاس
لاحت ملامح ، و ارتويت ، وتألمت !

كم دمعةٍ علّقتها بين .. الاقواس ،
خايف عليها ... لاتطيح ان تكلمت !

لنّ الكرامه عندي اولى من الناس
وانا ، لـها يمّـمّت قـلبي و سلمت !

وشلون تجرح وانت ريحانة إحساس
وانا على فرحك وحزنك ، تقسمّت !

ان كان قصدك تروي عيوني نْعاس ،
عزّالله انك عن سهر ليلي اكرمت !

كيف انتظر من ساكن الليل نبراس ،
وهو مغادر صبحي اللي .. توهمت !

ياليت ينفع خاطري قول لا باس ،
ياليت احس بفرحتي لا تبسمت !

انا .. ! بقايا روح تحتاج لـ أنفاس ،
انا ..بقايا صوت ماطاقه الصمت !

طعنتك كم فجّت ضلوعي والاحساس
حاول تحسّ بطعنتك ( لو تكرمت !

مخرج

مـــــــرت لــيــالـــي .. وأنـــــــت مــاقــلـــت ويـــنــــك ؟؟
مــاتــنـــشـــد ولابــــــــــك .. مـــــــــــن الـــــشــــــوق .. ذره

كـــنـــت أحـــســـب غــيــابــي .. يـشـعــلــل حـنــيــنــك
وأثرك .. من الأحساس .. ( معدوم مره )

لاأرواحكم العذبه