منتديات بعد حيي - عرض مشاركة واحدة

08-21-2017, 12:29 AM

الحِزن في صوتك أزعـج ساكنـي

لين صار الكون من حولي حزيـن

غصب عنَّي حِزن صوتك هاجنـي

لين خلَّى عاصـي المعنـى يليـن

وأمتثل حرف القصيـد وعادنـي

وأنسكب حِزنك على شِعري حنين

شلت أنا حِزنك وحِزنك شالنـي

تكتم الصرخه وينسـاب الأنيـن

شِفت حِزنك كيف حِزنك شافني

كيف داهم خلوتي فـي لحظتيـن

طير أنا مِثلـك زمانـي ضامنـي

جرَّحتني مثلك سيـوف السَّنيـن

صابك الَّلي مِـن زمـانٍ صابنـي

في معاليق الحشـا جرحـه دفيـن

كلَّمـا ودَّعـت هـمٍ زارنــي

مِن عذاب الوجد بيَّـاح الكنيـن

الفرح عقـب الصَّداقـه عافنـي

وخافت البسمه على وجهي تبيـن

طيري يالَّلي صوت حِزنك هاضني

الله الَّلـي ينتصـر للصَّابـريـن

شعر / دايم السيف

تقبلوا ودي