صباح ومساء الندى والياسمين
...............







انتهينا قبل نبدأ بالسلام ,,
وطاح موعد من على رفّ السنين..

كنت انادي فرحتي وسط الزحام,,
لاتجينه(ينكسر ظل الحنين)..

مازرعتك من ورى ستر الظلام,,
ولانويتك في عيوني تذبلين..

ولو يعيد الوقت ترتيب الكلام,,
ماخذلني الصمت في موقف حزين..

كنت أمنيّها تسافر للغمام,,
كنت أبيها في عيوني لك تبين..

وافترقنا وانتهى ذاك الغرام,,
وماتت الفرحه بخدّ الياسمين..

هبت الذكرى بعد مامر عام,,
تنشد ضلوعي علامك ترجفين!..

انطقي لوكان في حكيك ملام,,
واجرحي لوّك عرفتي تجرحين..

ولو سألتي عن تفاصيل الهيام !
إجرحتك العبره وأنتي تسألين..

ذي تفاصيلك وذا مسك الختام,,
جاوبك حسٍ من الخاطر دفين..
،،،،،،،،،،،،،
ل ذائقتكم النقيه