[frame="7 80"][grade="0000FF FF1493 008080 FFA500 0000FF"]قصيده قديمه لي حبيت اعرضها عليكم عسى تعجبكم والله ولا منتدى كتبتها فيه غير بعد حيي
تمنياتي لكم بالتوفيق

ميلاد حبي
.........
..............
يا بنت مثل اليوم ميلاد حبي
مرت سنه من عمرنا ما درينا

واليوم حبك في خفوقي متعدي
كل الشعور اللي رسمنا وحكينا

يا بنت عاش الحب وأنت بحدي
وعاشت حروف من بحرها أرتوينا

أنا ولد القصيد خاويت سهدي
لا ما غفت ذيك العيون .. وسلينا

أنا أشهد إن الحب كله تحدي
يحكم طبايعنا .. ويأسر يدينا

يا من حضن بالحب جزري ومدي
أنا وشوقي صوب بيتك سرينا

جيتك أنا كلي بهمسي و ودي
والشوق ما زالت غيومه علينا

طيب تكرم وأبتسم لي .. وعدّي
بعض العتاب .. وخلها تحتوينا

وأحضن يدي ما عاد هالوقت ضدي
دام الهوى وافي .. ترانا وفينا

تحياتي لكم
ولد القصيد[/grade][/frame]