|
فقدت الأمل في عودتك ياحبيب الروووح.!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
فقدت الأمل في عودتك يا حبيب الروح=ولاشك هذي رغبتك وأنت راعيها
وعز الله إني من سبب غيبتك مجروح=جروحٍ كثيرة ما لقت من يداويها
وعز الله إنْ مالك بتعذيبنا مصلوح=وعز الله إني بعدكم رايحٍ فيها
بدينا العلاقة نحسب إن الغرام مزوح=واثاريه شيٍ لا غزا الروح ينهيها
عذابي لفقدك في دموعي غدا مشروح=دموعٍ لهيب الوجد والشوق يدعيها
نحاول نخـبّي والشقا باين ٍ مفضوح=بداخل عيونٍ قلة النوم تشقيها
وليت الشقا وقّـف على حد دمع ونوح=ولكن له آثارٍ بجوفي مسويها
عليم الله أن الصدر قِـدْرٍ ومنه الفوح=يذيب الحنايا والمعاليق يصليها
عذابٍ ولا يوصف بكثر الحكي والبوح=ولا حس بالنيران يا كود واطيها
فياليتك تعوّد وذنبك ترى مدموح=وتترك نوايا بالجفا صرت ناويها ![/poem]
نزفتها مشاعر / راجي الوصل.
|