((البكرة اللي طببوها الجواليب))في1\1\1438هـ

[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""] البكـرة اللـي طببوهـا الجواليـب=وش علمها ماتنشـد النـاس عنهـا

وين البـدو قنايـة الشمـخ النيـب=ماسـامـو الـبـكـره وزادو ثمـنـهـا

بكرة بدو مهي جلابة قصاصيـب=ولارددت وسـط المجـر برسنـهـا

تزها القلايد والجرس والدباديب=وتزها الدلال اللي يداعـب ثفنهـا

ياسمعت الراعـي يجـر الهناديـب=تفزع علـى صوتـه وتتعـب بدنهـا

وياغابة القعده تقل ينهشه ذيـب=كنّـه تبـي تقـرب لهـا واتحظنـهـا

نوطابها يحلـو قصيـد اللواعيـب=على جمـال الجيـش مـدة رهنهـا

وامركبن نيّه علـى العيـز تركيـب=ثقلٍ علـى قمّـة حجبهـا محنـهـا

ترتع بظف مطوعيـن الاصاعيـب=ترعى هيت مايقرب الخصم منها

زيدو بسعر الطيبه ياهلا الطيـب=الخزنـة اللـي رابحـن مـن خزنهـا[/poem]

مشعل عسام الغافل التريباني الشمري

نجري يونسني إلى دنّق الهلـــبــــــاج = احب صوته حب محدن يشككـــبـــــه

ياحلو صوته يوم جوك الرجال افــواج = على جال نارك وازرق الهيل يفركبـه

وشلون صوت النجر به للرجال ازعاج = كلامن خطا والي عطا العلم غركبـه

انا اقول صوته في خلايا الدماغ علاج = تصحي خلايا الراس يقام يدبكبــــه


مقطع من قصيده لي بالنجر