[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
بعض البشر ودك تحطه بعينك=وتظفي عليه عن الهبايب هدبها

سيفٍ مجرّد تحمله في يمينك=يقضي على الفتنه ويقطع عصبها

قرمٍ على جمع الرفاقة يعينك=مايشعل الفتنه ويجمع حطبها

حسنتك يظهرها ويجتاز شينك=يظهر جميلك والعيوب يحجبها

يدفن عيوبك مايبيّح كنينك=ونار الحسد والحقد يطفي لهبها

من مثل هذى لاتفلّت يدينك=جوّد حبال العروة اللي قضبها

يرفاء خطاك ويرفعك مايهينك=وعجفاك عن شوف العيون يحجبها

هذا الصديق اللي ليا قلت وينك=تلقاه في يسر السنين وشحبها

حطه على يمناك يحمى عرينك=ياجهزت شهب الليالي سربها

ياقلت وينك قال عيني لعينك=فزعة صديقٍ صادقٍ محتسبها[/poem]

مشعل عسام الغافل التريباني الشمري في 1442/11/8هـ

نجري يونسني إلى دنّق الهلـــبــــــاج = احب صوته حب محدن يشككـــبـــــه

ياحلو صوته يوم جوك الرجال افــواج = على جال نارك وازرق الهيل يفركبـه

وشلون صوت النجر به للرجال ازعاج = كلامن خطا والي عطا العلم غركبـه

انا اقول صوته في خلايا الدماغ علاج = تصحي خلايا الراس يقام يدبكبــــه


مقطع من قصيده لي بالنجر