[poem=font="simplified arabic,7,black,bold,normal" bkcolor="white" bkimage="" border="double,9,darkblue" type=2 line=0 align=center use=ex num="0,black""]
ياشفت نيبان الدهر كشرت بك=ارفع يديك لواحدٍ يفرج الهم

كان الهموم الي تشيله سرت بك=اسأل وليّك والعباد اعتزلهم

ولايهمّك حاسدك لوشمت بك=الناس تال الوقت زادة عللهم

لوعين عبّاد الحسد حندرت بك=لابد من يومٍ يبيّن فشلهم

وش عاد لوكل البشر عذربت بك=صف الظمير ولايهمك عملهم

واجزم اليامن الامور اعزمت بك=مالك ومال اهل العلوم ودجلهم

لو النفوس الحاقده شبهرت بك=اصعد سماوي لايهمك زعلهم

تجاهلك للي هروجه سطت بك=يقطع معاليق الخباث وحوَلهم

لاتفكّر ان هر وجهم حوّلت بك=من قمّة الامجاد في منتحلهم

سج القدم وابعد ولو طولت بك=واصحى تفكّر وين ساقوجملهم

الناس لو ترفى الخطاء مادرت بك=لوكنت من فوق المتون تحملهم[/poem]

مشعل عسام الغافل التريباني الشمري في1442/11/20هـ

نجري يونسني إلى دنّق الهلـــبــــــاج = احب صوته حب محدن يشككـــبـــــه

ياحلو صوته يوم جوك الرجال افــواج = على جال نارك وازرق الهيل يفركبـه

وشلون صوت النجر به للرجال ازعاج = كلامن خطا والي عطا العلم غركبـه

انا اقول صوته في خلايا الدماغ علاج = تصحي خلايا الراس يقام يدبكبــــه


مقطع من قصيده لي بالنجر