|
الشريف السنافي.!
( الشريف السنافي )
يابو جريّد فوق والله تعلّيت
كل المكارم وانت طيّب و وافي
رجلٍ شهم يوم الشهامة تبي بيت
ولايْقْلِطِه إلا الشريف السنافي
أمثال أخوسلمَى على هامة الصيت
له وقفةٍ عند المطنّخ تْشافي
الطيب مايحتاج خطّه وتشتيت
يحتاج من بشْته على المجد ضافي
شرواك لامن رحت والا بعد جيت
شرواك لاقالوا سلام وعوافي
حياك ربي وانا عندك وحيّيت
في وقْفِتِك واقول ماهو بكافي
لنّك خذيت الجود من غير تصويت
طرقٍ على المِبْغِض وابو كل هافي
مطلق ومطلق ثبّت الفِعل تثبيت
يوم الليالي بيّحت كل خافي
|