|
مزعزعة الختوم .!
( مْزعْزعة الختوم )
اي والله إني ضايق الصدر مْهموم
وياقوّة الله كان حيلي ماقوَى
صبرْت لين الصبر شفته بالحزوم
يوم ان ذيب البارحة جاع وعوَى
حيّيت به وربعي مْزعزعة الختوم
سودان روس وقولنا ماله لوَى
ايه السيافا والسيافا له عْلوم
يشهد لنا النجم الكبير اللي هوَى
مااحْنا بحاجة للدعاية والرسوم
وتاريخنا علاج الذي ماله دواء
المجد حنا ومجْدنا فوق الغيوم
يشهد لنا الغالي وملعون الثوَى
لكن لنا ياذيب لوزانت سْلوم
مهما غوَى اللي بالرخاء مهما غوَى
إبن سعيّد ياعسَى خيره يدوم
موجود لك من قبل لاتاصل نوَى
|