|
+:: مكالمــه بالغلــط ::+
نقلت لكم هاي القصه ،،
دقت البنت وكانت مغلطه في الرقم ورد عليها واحد يحب الاستهبال وتورطت ودار الحوار التالي :
البنت : الو مرحبا
الولد : هلا مرحبتين
البنت : محمد كيف حالك
الولد : انا مو محمد انا مبارك
البنت : اسفه اخوي انا غلطانه
الولد : انتي غلطانه شو هالاسم ؟؟!!
البنت : صدق انك سخيف
الولد : والله ليش ما خبرتيني من قبل
البنت : قبل ولا بعد انزين خلاص سكر
الولد : سكر ولا ملح . شكلج جوعانه وتحبين الحلاوه
البنت : انا لله وانا اليه راجعون
الولد : حرااااااااااام ليش منو مات
البنت : اللهم سكنهم في مساكنهم
الولد : ليش متى هم طلعوا من سكنهم .مساكين سكنيهم عندج في البيت
البنت : صدق انته فاضي ؟؟!
الولد : والله على بالي مليان
البنت : ه هذي حلوه
الولد : ليش طعمتيها
البنت : اللهم عافينا
الولد : ليش مريضه؟؟! الله يشفيج
البنت : والله انك حاله
الولد : حاله امممممممممممم صلبه ولا سائله ولااااااااااا اخاف اكون غازيه
البنت : والله انت حاله نفسيه و مستعصيه بعد
الولد : ه الصراحه انتي خفيفة الدم
(((((((((((((( وانقلب الوضع لصالح البنت بس مو للنهايه ))))))))))))))))))))))
البنت ( حصلت الفرصه لصالحها ): ادري اني خفيفة الدم. وانت خفيف العقل
الولد : لااااااااااااااااا ا زودتيها
البنت : عادي نقصها
الولد : بس عاد
البنت : عاد على بالي ثمود
الولد : والله انج حشره
البنت : حشره عاااااااااااااااادي اقتلها
الولد : تنكتين
البنت : لا استخف دمي
الولد : والله انج باااااااااااااااااااااارده
البنت : فيه اختراع اسمه فرن
الولد : ايه انتي خلاص احترمي عمرج ؟؟!
البنت : احترم عمري هههه عمري بعدني صغيره
الولد : والله انج مب سهله
البنت : سهله!! شو مسأله هي
الولد : ممكن اقولج شيء
( وهو يريد فرصة لتغير الوضع لصالحه وحصل الفرصه في النهايه
عشان هي تعصب وتسكر مو هو الي يسكر )
البنت: خير .شو؟ قول انا جاهزه
الولد : ( حصل الفرصة المناسبه ) انتي جاهزه ه وانا تفصيل
اي
البنت عصبت : اوووووووووووووووووووه منك وسكرت الخط
ملحوظه/ ملطوووووووش
|