[poem=font="Simplified Arabic,6,white,normal,normal" bkcolor="darkred" bkimage="" border="double,10,darkred" type=2 line=0 align=center use=ex num="0,black"]


قال حاقد قلت يا جاهل هلـي =كيف باطرف باصبعي عيني واصيح
انت مثل ابليـس حقـرك الولـي=لا تسـر ولا تريـح وتستـريـح
من يصدق بي وانا الشمس عملـي=ما يذريهـا عجـاج جـاب ريـح
لو يطيعـك بـي غريـر يجهلـي=ما تطيعك روسهم بـي يـا كليـح
هم هلي يا جاهـل وهـم منهلـي=لو تضيق القى بهـم كـون فسيـح
عودهم له طاعـة واجـب علـي=شيخنا اللـي مـا يوفيـه المديـح
ماسفهت مـن العقـول الا الخلـي=وما حقرت من الكـلام الا النبيـح
الصباخـي مـا تربـع بالـولـي=والردي للطيـب جحـاد شحيـح
والعتـم لا بـد يــوم ينجـلـي=واسود النية يجـي يـوم ويطيـح
الردى بعد السمـا عـن مدهلـي=ما تعلمت اجـزي الطيـب بقبيـح
شمت عنك ابي المراجـل منزلـي=وفي ضلوعي شايـب عيـا يبيـح
ما اعتلي بالشعر هو بـي يعتلـي=دام ميزانـي بحسـادي رجـيـح
لا تصدق في حصانك يـا جملـي=كنت انا وما زلت وابطي لك نصيح
ما عرفت الغي واخفيـت جهلـي=علمونـي مستبيحيـن المـريـح
لـو تبيـن قلـت خلـوا ذاك لـي=بس دامك كالنسـا مالـي نطيـح
قـل مـادام انـي بكذبـك مبتلـي=كل كذب دام هـو فنيـي صحيـح
ما اخبر مـن الذنـوب الا هلـي=ذنبي اللي يرفـع الـراس الفليـح
_______
الأمير الشاعر
طلال الرشيد
رحمه الله[/poem]

الأبيات للأمير الشاعر
الانسان طلال الرشيد
رحمه الله