أنا ابقولك قصة واقعية لولد أخوي.. كان فعلا ملقوف نمرة وإستماره.. وكان يحب يقول لاااا اذا الجميع إتفق بنعم.. بإختصار كان يسوي الي براسه وخااصة في البيت.. حتى صارت أمه تقول ياليتني سميتك غثيث .. وابقولكم قصتين له يمكن ينفعون حلقات تلفزيونيه:

أحد المرات أخوه الصغير رمى كورة جارهم فوق الكبت بالصاله.. وكان ولد جارهم ودّه يمشي بس الحين مايقدر يروح بدون الكورة.. الأم هاوشت الأخو الصغير:
الأم : ليش سويت كذا ياماما.. ماقلت لكم ماتلعبون بالصالة
بسام: نظرة فيها خوف وإحساس بالذنب
الأم: ثاني مره ازعل عليك ياماما.. الحين كيف أجيب الكورة؟؟
ألتفتت الأم لأحمد ولد الجيران وقالت تعال بكرا وبتاخذ الكورة

بعد ماراح أحمد.. فهد ماصبر.. وراح لأمه :

فهد.. ماما.. أنا أقدر أجيب الكوره..
الأم: لا فهودي.. أصبر لين يجي البابا وينزلها
فهد: والله سهله ماما.. ابروح أنزلها
الأم: لا يعني لااااااااااااااااااااااااااااا.. ترا اعلم عليك ابوك

فهد كبرت براسه إلا ينزل الكورة.. الكبت طوويل ومايطول. وش سوا.. راح جاب مركى من مجلس الرجال.. وحطّه بجانب الكبت..جاب المركى الثاني والثالث والرابع وصفهمه فوق بعض.. ولما حاول يرقى فوق المراكي (المساند ).. ماقدر..

الرجال معزم إلا ياصل فوق.. راح جاب طاولة صغيره.. ونط فووقها.. وبعدها نط فوق المراكي..ويم وقف فوق المراكي وكان قريب من الكوره أختل وزنه.. وطااح على الأرض.. وياليته طاح وبس.. كان قلنا يستاهل..هو الي اختار.. لكنّه طاح على اخته الي تشاهد الموقف.. لاهي الي رمت الكوره ولا ساعدت فهد.. وصحيح مافيه جروح لكن البنت جلست تصيح إلى ثاني يوم من الوجع..

جت الأم على صياح بنتها وهاوشت فهودي.. وقالت ترا ماتروح معنا إلى خوالك بكرا.. وكان التهديد هذا اقوى تهديد لفهد.. لأنه اذا راح لخواله يسوي فيها قوي وغنه احسن واحد بالعالم..

المهم ما أنتهت القصة.. وش سوا فهد.. قال مافيه إلا أنزل الكوره.. بالطيب بالقوه لازم أنزلها .. جت فكره يضرب الكوره بجزمة أخوه الصغير.. وفعلا أول شوته من إيده كانت الدقه عاليه وحركة الكورة وكادت أن تطيح.. تحمس.. والمره الثانيه شاات الجزمه بقوه شوي.. ولكن الدقه هناك.. والشوته هناااك.. وجت الكورة.. ومن شدّة الشوته رجعت الجزمة بعد ماصدمت بالجدار وكسرت الثريا.. وطاح بعض من زجاجها على الفرشه..

آخر شي.. قال ليش ما ارقى على التلفزيون الموجود بنص الكبت.. وفعلا بعد ما حط رجله فوق التلفزيون وحاول يلمس الكورة.. طاح وطاح التلفزيون عليه.. وصاح بأعلى صووته.. وأنتهت القصه

<< تعب.. كذب على نفسه قال قصة حقيقيه وقام يألف..

الثانيه بكرا إن شاء الله بعد ماكبر وصار بالجامعه فهد