تبرق على عيني مخاييل العذاب
...............وتمطر على قلبي من الهم ديمـــــــه
وآخيل برقك تبتسم خلف السحاب
...............وامد لك يمناي من وسط غيمــــــــه

واقوم خايف!
أطرد انفاس الهلع
واضحك على همي القديم
وابكي على حلمي السقيم
اضحك وانا خايف
ابكي وانا خايف
وانده على طيف خاطف

ارحل عن افكاري ....حرام
كرهت اعيشك في الخيال
وكرهت اشوفك حلم ساذج
يحرم عيوني المنام

تعبت من السهر..
ومن الكدر
تعبت من التعب..
ومن العتب
تعبت من عشق السراب
وطيف عايش بالصور!

ماظن بالدنيا سعاده
وماظن باقيلي أمـــــل
وماظن بعشق غير طيفك
وغير بردك
وغير صيفك
وماظن بعشق غير غاده

السعاده
وشهو مفهوم السعاده؟
غير انك تكون مسلوب الأراده!
تتبع أثـــــر
تجمع عطـــر
من درب مزهر من خُطا ...غاده