سميت بسم منزل النور بكتاب = كشاف سر اللي غريب وغايب

علام دورات الكواكب والأوجاب = محيي هشيم القاع عقب الجدايب

رب خلقنا للمصايب والأسباب = نعيش بالأقدار هي والمصايب

يالله يافارج غثا كل منصاب = يارب يا تايب على كل تايب

عبد طلب رحمتك يارب ما خاب = وليا طلب غير عنك رد خايب

ياعل شي نطلبه يا عسا مجاب = يا فارج الضيقات هي والكرايب

شي كتب باللوح من رب الأرباب = دنياك يابن آدم زمانه عجايب

يالله احس بداخل القلب مشهاب = نار بجوفي وسطها القلب ذايب

عيني قزت والجفن بالنوم ماطاب = تذرف دموعه فوق خدي سكايب

اصيح وانخا ملوكنا من ورا الباب = انخا السعود محللين النشايب

انخا ابو متعب بالملازيم ماهاب = بوجه قبل ذرع الكفن والنصايب

ياخادم البيتين يانزه الأشناب = ياسيدي قفوي عجوز وشايب

انخا ملكنا مالنا عنه مجناب = غيث على كل القبايل سحايب

وانخا ولي العهد سلطان لولاب = حلال عسرات الأمور الصعايب

يا ذيب ياحر على راس مرقاب = يا سيدي وجهي به الدم رايب

حكم نفذ أنخاك به قطع الأرقاب = انخاك فكن يا عريب النسايب

وانخاك يا مشعل قمر دنيتي غاب = انخاك فكن ياعطيب الضرايب

من قبل حد السيف يسحب بالأنصاب = والراس يقطع مع عروق الترايب

انا دخيلك قافي دين طلاب = العمر ملفاه الفنا والذهايب<br />

انخا بها مقرن سبع غاب ويهاب = زبن الذي عمره هموم وكآيب

كم واحد فكه عقب عد واحساب = فرح به امه عقب ماكان غايب

انخا واثني للقبايل والاجناب = شيوخ نجد انخاه حاضر وغايب

انخا عتيبه روق سبعان واشياب = وانخا بني وايل رجال الحرايب

وانخا بني مره وقحطان ياذياب = وانخا الدواسر متعبين الركايب

وحرب الحريبه للمعادين حراب = ومطير مع قحطان ربعن قرايب

وبني عطيه يا حصل فيه ضبضاب = وبني صخر يا محتمين النجايب

أنخا ابي فزعة بني يام الاصحاب = وجهينه انخاهم صغير وشايب

ودي بفزعتكم عن السيف قصاب = تسببو عسا تصيب السبايب

توجهو يم الشرارات طلاب = وعند الشرارات اظن ماهو بخايب

قبيلة للطيب والعز شراب = هل الصخا يوم المعيشة نهايب

يا جاهم العاني خذو هدف الارقاب = اللي عطاياهم نياق حلايب

عذع من الغرب خنياب = وماناحت الورقا بروس الجذايب