وهذة للعزاء

≈ كـــــــروش وصرخة ≈


بالله يالمعبود رب البشر ذيْ ..

محي العظام اللي تقوم جسدها ..


الواحد الرحمن الرازق الحيْ ..

سبحــانه المعبود رب خلقها ..


ارفق بقلب ٍ يوم كنه على غيْ ..

يوم اللهايب تصطفق في حجرها ..


مثل القزاز ويختلف عنه شوي ْ ..

لامن تكسر في حماوة لهبــــها ..


مثل الفرح في ساحة العيد والفيىْ ..

يتلاه ضيم والخواطر كســرها ..


ومثل الحيـــاء لامن فقد صفوة الري ..

تموت من عقب الحيـــا في محلها ..


حي النخيل اشلون يصبح بلاضي ..

وأرض الجزيرة محزنة كل بشرها ..


وجبالنا ذيك الشموخ المعــــــاليْ ..

تلبس سواد ٍ يوم حـايـــــــل لبسها ..


يوم اختفى شيخ ٍ على الطيب يضفيْ ..

بعلومه اللي من جدوده ورثــــــها ..


صاحت عليه المر جله والقوافيْ ..

وذرب النوادر يوم كفًــــــة رسمها ..


وصاحت علية عيـــال شمر وأهل طي ..

درع القبيـــلة ياطـــلال وسنــــــــدها ..


و ( كروش ) تنخى رجعتك ياسنافيْ ..

و ( صرخة ) تصيح كفوف عز تحملها ..


يامن على تــــــالي لياليك نـــــــاويْ ..

يالشامخ النبراس تبقى علمـــــــــها ..


مرحوم يارجلا توفى بقـــــى حي ..

اطلال علمك راسخة في عمدها ..


ياأميــــــــر لك الله ولا بقايا ً في ..

ياكود موتك في عيوني ســـهرها ..