صعب إنك تنظلم ومو صعب انك تعتذر اذا اخطيت في حق اي شخص ولاهو صعب بعد ان الحبيب يغفر لحبيبه اذا اعترف بالخطأ عيشوووو معي هنااا بين حنايااها في هذه القديمه التي كتبتها قبل سنوات وياليت تصل لسمووو ذوقكم ...........


هذي بداياتي معكم اول مشاركه


وش جرى وش صار

وش الي سبب العله

ترى عقلي معاك محتار

يبي يعرف عن الزله

إذا فيني الخطأ ينقال

تفضل بينه كله

قولي يابعد ذا الحال

وخلي التهمة بأدلة

وأنا أوعدك ما أحتال

وأقدم عذري وأحله

ترى موعيب لو ينقال

تأسف محمد لخله

ولاعيبٍ بعد ينقال

تناسى خله العله

معرض الهوى للقال

وسحابة ممطرة تبله

وترى تتغير الأحوال

ويروح الآدمي كله

وتبقى الذكرى وسط البال

قوية ساسها والله

ولا أمرٍ عليك ينقال

طلبتك قولها بالله

طلبتك وش جرى وش صار

وش الي سبب العله