[align=center]




السلام عليكم ورحمة الله ..

سيدي مزيون حائل.. أعزائي الحضور في شاطئ بعد حيي.. زوارنا الأكارم..
مرحبا بكم في أولى تصفيات برنامجنا الأسبوعي.. شاعر بعد حيي

معاكم روضة ابراهيم





نذكر الجميع إن مسابقتنا لهذا الأسبوع تحمل لنا اربع شعراء.. وبعد البرنامج راح نبدأ التصويت لكل شعرائنا الأربعه..
وبالأخير واحد بس راح يفوز بلقب شاعر منتدى بعد حيي.. والجائزة مثل ماتعرفون.. 20 ناقة وضحاء.. وخمس فناجيل قهوة.. وخيشة رز تمّن نجفي ..


مابنطول عليكم..وانحن الحينا في بداية المشوار.. وراح نتعرف على اللجنة..



من اليمين
سيد جروحي.. الفضيع .. نوارة شمر.. محمد عبده


الحينا خلونا نشوف منو ويانا من الشعراء المتاسبقين :

رقم 55 شاعرنا من الكويت .. نبيل عشوق
رقم 99 شاعرنا من الأردن .. غسان الحنكبور
ورقم 01 شاعرتنا من السعودية .. الطخمه حورية
ورقم 105 شاعرتنا من الإمارات.. سنافية السولعية


والحينا نترككم اعزائنا مع فاصل صغير وبعده نتم وياكم امسيتنا الليله..






أعزائي الحضور.. استقبلوا معانا أول شعرائنا لهذه الأمسية من الكويت .. نبيل عشوق

شكرا للجميع.. اقول:
اقول بديت بذكــر الله رب البشــر
............ الواحـــد المـعبود .. جزل العطــــيّة
بعدها نســـلم على كل من حضــر
............ وانثر غـلاي اللي.. ماهــــو شويه
واقول آه يالبنــان ليتك عند الحفر
............ كان جينــــاك كل.. صبح وعشـــيّة
من شوفة الحلوات..قلبي بخطر
............ واعذابه واعذابه.. واعــــذابه ميّــه
ياللي حضرتوا.. صوتكم لي ممر
............ لا تحرموني من شوفة تينا وماريه


صح لسانك شاعرنا من الكويت.. نبيل عشوق.. والحينا رحبوا وياي بشاعرنا الثاني لأمسيتنا لهذه الليله.. من الاردن.. غسان الحنكبور

مساء الخير للجميع:
بـدي ايـــاك يام شعر مكزبر ... يا حلــــوه يام عيــون تسـحر
قالت أنا البس بنطول مشجر ... وانت بــدوي وشين واسـمر
قلت يازـمن ليش هيك تتغير ... كل شي فيـها صـــار اصغيّر
بـدهم اترك فنجـــالي المبهّر ... وابيع خلفاتي واركب الجكور
لا انا مش هيك وراح اصبر ... ومابدلش المنسف بكوكا وبرقر


صح لسانك شاعرنا من الأردن.. والحينا رحبوا وياي ومع شاعررتنا من السعودية.. الطّـخمه حوريه ..

يسعد مساكم.. واقول:
صباح الخير.. صباح القهوة الي مطبوخة حيل ..
............ ومعـــها قطعــة حــلا .. من تصــليحة أمــــس
للحبيب اللي .. غــــــلاه كل يوم يــــــزود ميل ..
............ وإن دورت الشين أتعب .. كأنه منطمس طمس
قلتها.. والشــــوق فيني غصب يشيـــــلني شيل ..
............ ويطير بي فوق الغيم .. وينــزلني على غرس
آه لو تدري بعذابي .. كني جـالسة بنص السيـل ..
............ وأنـــاظر.. مير محد حولي غير عــنزتين وبس
صلاني بحبّــه.. كن فراقه ياعرب فرن اصيــل ..
............ والحرارة فوق الخمسمياة.. وحمستني حمــس
متى يازمن .. ترحم قلب المغرمه ويتغير الجيل..
............ ونشوف الكبـــسة صارت.. نقانق وبيض وخس


والحين رحبوا ويانا مع متسابقتنا الأخيره.. من الإمارات.. سنافيه السولعية

قوووووه حبايبي :
قلت أبقصــد .. دام ياعرب كلن قصـد
............ بالقصــيد الزين .. اللي يروي العطشــــان
ولاني مغتــاضة .. من شــعر ام سعد
............ ولا حوريه .. ولا نجاح ونــورة الدوشـــــــان
أنا قصـــيدي .. من سلســبيل ورغــد
............ ماهو فقير الحال.. ولا ضعيف الشــــــــــان
شريته من دبي والعين وزيورخ وبعد
............ أشتريه لو كان بفينــّـا ووراء الشيشــــان
ويوم وصــلني .. ذاب حــــرفه وقعد
............ يتشحدني.. ويقولي أشيــاء وهو ربشــان
أنا مـاني فيله يوم إنك مني ترتــــــعد
............ أنا رشيقة الحـال .. غصبا على الطفشــان
ولو إنحاش حزبي وصاب عيني رمد
............ أبنتصر.. وعدوي بيصيـر لي نيـشـــــان

..................................................

صح لسانك شاعرتنا.. والحين مع آراء اللجنة.. وعلشان الوقت يداهمنا ياليت الاستاذ الفضيع يختصر لنا ويقول لنا رأي اللجنة بالشعراء.. والدرجة الي استحقوها حسب منظور اللجنة ..

طبعا أحب اشكرك اختي روضة وارحب فيك في منتدى بعد حيي واحب ارحب بالحفل والضيوف واصحاب السعادة.. بالنسبة للشعراء فكلهم أجادوا..

بداية بشاعرنا شعيل .. خير من يمثل الكويت للأمانة.. وفالك المليون بس قصيدتك يمكن تزعل بنات بعد حيي.. ومايصوتون لك.. واعجبني البيت الثالث.. صبح وعشية.. طيب والظهر بتجلس وين بالحفر؟

شاعرنا الثاني غسان.. قصيدة جزله من شاعر جزل .. وياليت تشرح لنا شنو يعني المنسف.. واذا هي طبخه صراحه مالك حق.. جوعتنا كلنا ولازم تعوضنا.. وفالك التوفيق

شاعرتنا الطخمه .. صراحه إبداع... وفالك المليون .. ومافيك حيله.. بس لو سلمتي من آخر بيت بالقصيدة.. وارجوا انكم ماتزعلون من النقد.. بالأخير حنا نستفيد والكل بيستفيد

الشاعرة السولعية.. عيني عليك باردة وخير من يمثل الإمارات.. ابيات قويه للأمانه ..واكيد كلامك موجه لمزيون حايل.. شكل حزبك مابقى احد فيه ومن حقك تفخرين بنفسك.. وفالك التوفيق

النسب.. نبيل عشوق 47 %
غسان الحنكبور 49%
الطخمه حوريه 47 %
سنافية السولعية 49 %


والحينا.. بعد ماعرفنا درجات شعرائنا.. باقي تصويتكم اعزائي الحضور والمشاهدين .. والاسبوع القادم بنشوف من يستمر ويانا.. ومن بيغادر شاطئ بعد حيي..


<< يقول لا تصدقون.. مافيه حلقة ثانية ولا ثالثه

والجميع دمتم بـــود ..
والبرنامج هدية لمزيون حايل بمناسبة توليه قسم الإشراف

محبكم / سيّــد جروحي[/align]