لا دمعة في العين تكفـي..ولا آه
ليا من نوى لك صاحبك بالقطيعه
الله..على بعض المحبين ما اشقـاه
يرجي زهر روضٍ تولى ربيعـه
ولا من خذا له ساعة قال..ابنساه
بانسى هوى اللي باعني قبل ابيعه
وده يعسر القلب عن غي مشهـاه
هيهات..ياقلب الخطا لـو تطيعـه
الله يجازي الحب ما اكبر خطاياه
شره على اصحاب النفوس الرفيعه
اهل الوفا واهل الشيم..من سواياه
ضاقت بهم دنيا فججهـا وسيعـه
والا الخبيث..بمنسم الرجل ياطاه
يوم الغدر والخبث..عنده طبيعـه
يالله..عسى لي خيره عقب فرقـاه
لو كان فرقا الخل..مثل الفجيعـه
|