كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق

**************************
انا رفيق الجرح من صغر سني
والجرح له في داخلي الف عنوان
ياسيدي! هم البشر صار مني
واصبحت انا تمثال لهموم انسان
كل الوجيه تشابهت حد ضني
ماعاد اميز بين صادق وخوان
ياصاحبي لاتنشد الجرح عني
كل السوالف كذب صمت وحرمان

*************************
حاولت في قلبي وانا اقول بنساك
واعيش دنيا في حياتي جديده
اثر الغلا ما تعجبه غير دنياك
والقلب غيرك ما سكن في وريده

************************
ناس تفكر همهم يسعدونك
وناس تفكر كيف تقدر تبكيك
لاتشتري من حاولوا يخسرونك
ولا تخسر اللي فكر بيوم يشريك
مافيه اجمل من صديق يصونك
ولا فيه اقسى من قريب يعاديك
اكبر قهر لا صار ناس يبونك
وانت تبيهم بس حظك لعب فيك

*************************
كم واحد راحت ملامح شبابه
وضاعت حياته بين قاسي وكذاب
من وين ماجينا الامل صك بابه
وتخالفت بدروبنا هموم وانشاب
يالعنبوا هالوقت لابو عذابه
لابو حياةً كلها هموم واصعاب

***************************
يا صاحبي في خاطري اسالك شي
شي معكر كل صافي حياتي
ان كنت مدري بغلاتي وانا حي
وش مكسبي كانك حزنت بوفاتي

***************************
تبي الصراحة وش تبي بالصراحة
اكذب عليك ان قلت عايش بخير
لاجيتني صدري يزيد انشراحه
وغيرك على دنياي نقص ومخاسير
في ذمتي ماغيرك ارجي سماحه
قول شتبي مني واقول ابشر يصير

****************************
أفطن لوقتك لو بدالك بصافيه
الوقت مايرحم ولاهوب يآوي
راع الردي ياصاح بالك تخاويه
من رفقته لازم تشوف البلاوي
عليك باللي يرفع الراس طاريه
وأن ماحصل ماهو ضروري تخاوي

*****************************

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

**************************
من المؤلم : ان تحب
بصدق..وتخلص بصدق
وتغفر بصدق(< ثم >)
تصدم بنهاية تخذل كل
الذي قدمته!
ومن العذاب : ان تنتظر
من لا ياتي إليك.. وان تحب
من لا يشعر بك .. وان تحتاج
من لا يحتاج إليك (< ثم >)
تكتشف ان اجمل العمر
كان ســـــــــــــراب

*************************
تحذير: الحب سبب رئيسي
في الفشل الدراسي و تصلب
المخ و الغباء المفاجئ

************************
م
ن
ق
و
ل