منتديات بعد حيي - عرض مشاركة واحدة

معرض الوسام · 05-28-2007, 01:56 PM

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
رجيتك ياهنى روحن تمنـت شوفتـك ساعـه=ولا ذاقت بدرب العشق لامكسـب ولا مربـوح
انا قلبي على دربك شكى مـن لايعـن لاعـه=طبوعك ياهوى بالي طواريهـا تغـث الـروح
اخبر اللي يبي غاليه لاقـال اسقنـي طاعـه=وانا غادرتكم ضامي بقلبن ضايقـن مجـروح
رحلت بمركب احلامي تلـوح الريـح بشراعـه=وموجات البحر تلطم على اللي يدخله ذابـوح
هزيم رعودها يرجف وبرقه يركـز اشعاعـه=واذا ناظرت تبي سهيل ماهو بالنظـر ملمـوح
غطاه اللي غطى قومن خدعها زيـن مرباعـه=وتاليهم بقايا قوم ركبـوا فـي سفينـة نـوح
اشوح الشوف بعيونن تحاول شوف مطلاعـه=اراجي شوفة الشاطي او اريام الفلاة سـروح
خفوقي ضاع بامواجه سبايب صاحبن باعه=ولايقدر يشوف الدرب لو برقه غدى له ضوح
عقب ماكنت والغالي بروضن فاح نعناعه=اشوف الموت يدعيني ولو شحت النواظر شوح
طرى لي وسط موجاته خدود الزيـن لاراعـه=شعاع البرق ذكرني بمبسم وجهـها المملـوح
عيون اللي ورى الصيده رماح الموت باصباعه=يشيل الموت باصباعه اليا لاح الحبارى لوح
مراميع العرب كلـه قصـارن دون مرماعـه=واذا شاف الحباري راح تلقى خربهن مسدوح
عشيري من جميع البيض شال الزين بانواعه=طلبتك ترحمين اللي غرامه مايريـد شـروح
الا يامنوة الخافـق وراس المـال واطماعـه=وسلوة عاشقن دمعه على خد العناء مسفـوح
انا جيت الطبيب وحط فوق الصـدر سماعـه=وجاب الفحص والناتج خفوقن بالغلا مشفـوح
وقال ان الظماير فـات سبع شهور مرتاعـه=وصدره كاتمن نارن من الضيقه غدى له فوح
تقول انه نهش حاله ذيـاب الجـال وسباعـه=او انه عاشقن غنجاء ولاكنه يخـاف البـوح
وقال ان الدواء رشفـة ثنايـا خفرتـن ضاعـه=عنودن مثل عين الريم حطتكم على الجابـوح
وقلت اعلن خبر موتي على العالم بمذياعـه=وقل موته سبب خشفن(( تروه بذبحنا مسمـوح)) [/poem]