مانـزف خفاقـي إلا يـوم أعلنـت الغيـاب
يوم حددت المصير وخاب ظن اللـي حسبهـا
ماعرفت إن المفارق يطعن وجيـه السحـاب
الهبوب اللي سكن فالـدوح مابلـل هضبهـا
ماروى ضميان يطرد من ورى ذاك السـراب
ولا روى الأرض اليباس اللي توذت من لهبها
حللينـي يالمشاعـر كـان أعلنـت الذهـاب
وناوليني يالمعاني لجلِ خاطـر مـن طلبهـا
أيه احقق مطلب اللـي مشترينـي بالنهـاب
دام قوله مشترينـي سلعـةً يفـرق ذهبهـا
ماملكت أمن المشاعر غير تفصيـل العـذاب
وغير فستان الهموم اللي لبسته من سببهـا
قابلينـي يالأمانـي كـان حققـت الصـواب
وأمهليني لو بقى بي شمس ماشيـاً حجبهـا
أجمعي دمعـات عينـي وأنثريهـا بالتـراب
وأحرقي جفن المشاعر لاتبرت مـن هدبهـا
**********
نوارة الوايلية
الله الله الله
قصيدة رائعة تعلن عن ميلاد شاعرة قادمة بقوة عبر بعد حيي
ياااااا هلا ومليووون هلالالا
هذا الشعر عندما يتنفسة الشعراء يحوّلونه إلى لوحات إبداعية رائعة
وغاية في الجمال
هنا لن نجامل بشكل كبير للنصوص التي لا تفرض نفسها
هذا النص جميل ويستحق الاشادة
نأمل التواصل ولك فائق التحية
|