[frame="7 80"]



ثلج ... وجمر


تصدقين ..
لو قلت لك
أني أنا أكّذب من صدق
وأني أنا أصّدق من كذب
أكذب من أحلام الضرير
وأصدق من كروم العنب

أكذب عليك ..
ويمتلي صدري صفير
لو قلت لك
أني ليا شفتك من الفرحة أطير

أكذب عليك
لو قلت لك
أني ليا منك لمستي هامتي
طحت بيديك
وسكنت بكفوفك حرير

وأني أنا اصدق من كذا
وأن الهوى .. برد ومواعيد ولقاء
ثلج وجمر
وأن الشبه بين التوسل والرجاء
مثل الشبه بين الثنين ..
أفقر غني وأغنى فقير
تصدقين ..

لو قلت لك أني جمعت بفطرتي
صدق البشر
وأني تلحفت البياض
وجيتك وفي يدي عمر
نصفه شموخ
ونصفه الثاني قهر

تصدقين
لو قلت لك
صوتك سكن في أعذب أحلامي .. صهيل
وزولك وقف في أطول رموشي سهر
تصدقين

ولو قلت لك
أني ليا منه رضى وجهك علّي
يخضّر قلبي
وتنبت ضلوعي شجر
لو قلت لك أنه يصير
تصدقين..!!
وانك الأول في حياتي والأخير
تصدقين ..

لو تلمس أهدابك ضماي
لو مخلب الضلما يحز بداخلي

ماكذب عليك ..

ما يجتمع يا بنت في صدر الرجل
برد وهجير .




[/frame]