اقتباس: المشاركة الأصلية كتبت بواسطة فهد الرشيد    إرتدت ذيك الملابس والنقاب *** واحتوت لون الظلام عيونها وارخت الرمش وتثنت من تهاب *** خاينه والزوج صار يخونها عطرها حاضر ولو بعد الغياب*** رمز باقي في سما مفتونها تزرع جذور الهوى في كل باب *** ضايعه والضعف هو مكنونها مامنعها دين والعزه هباب *** والوفا والصدق مايعنونها جننت شيّاب وحبوها الشباب *** ويابخت منهو بقى في كونها كانت بسعر الذهب وأمست تراب *** أرخصت غالي وهم يشرونها كانت بطهر الندى ولون السحاب *** والعفاف الخوف واقف دونها لين خانت واستلذت بالعذاب *** وصار عشّاق الهوى يطرونها ظنها خايب وظن الزوج خاب*** ماصدق ظنه ولا مظنونها لا حنين الشوق ولا لذة عتاب*** ولا دقايق ضايعه يبكونها خايبه والزوج أغراه السراب*** خاينه والزوج صار يخونها حصريا لبعد حيي دمتم بود فهد الرشيد

فهد الرشيد


لاهنت على هذه الرائعه

صح لسانك مدد لاعدد

ننتظر مايفيض به قلمك

دمت بألف خير

لزيارة مدونتي

http://alenzy2202.maktoobblog.com/