منتديات بعد حيي - عرض مشاركة واحدة - أشعار عشوق ومزيون ( وسالفة فواز الغسلان هـو وحورية ) والفرس شادن

معرض الوسام · 09-17-2007, 03:02 AM

انا ماني يمك يالخبيل00 طربان الليله

تعرفت على عشيقتي رقم 45 بالتسلسل وقاعد اكتب اشعار من الطرب0

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

القوافي جاه بيطاره=مـن خفوقن هـاض مابـاقـه
ياعنودن تقل جماره=ويـل قـلـبـي كـان مـاذاقــه
شفتها تمشي مع الحاره=عين طيرن فوق شوهاقه
كنها الجوهر بمحاره=في بحـور الـزيـن واعـماقه
او شعاع العرس وانواره=جامعن عاشق وعشاقه
او عيون الريم لاذاره=في نـهـارن زان مـشـراقه
في ربـيـعن فاح نواره=يجـذب الـسـهـران بـراقه
في بعيد الريف واقفاره=خايـفـن نـيـران تـفـاقـه
في مزونن تنثر امطاره=حـروة الـشـهـريـن دفاقه
ماوطـتـها رجـل دواره=وسارح البدوان بـنـيـاقـه
غير ذيـبـن فوق سياره=والطريق الـشـيـن ماعاقـه
جيبن اشهب يبترم طاره=يطرب اللي صاحبه باقـه
من وكيلن يرفع اسـعاره=ومايـهـاب الـدرب سواقـه
ضابطن زيـتـه ومعياره=يلـمـع الـتـامـيـن باوراقـه
مـثـل ذيـب الجال بالغاره=لالـمـح ريـم الـمـها واقـه
وقبل تاصل راس مسباره=حـدهـا العادي بـمـصلاقه
يوصـلـن لـلـزين في داره=او يفوت الجيب باشـنـاقه
او تجـيـنـا طـارف اخباره=دام قـلـبي نـشـفت ارياقه
به وصوف الزين واسراره=عـنـدلن للـشـوف سراقه
احرقـت قـلـبـي بـمشواره=في هـدومـن بانـت اذواقـه
في هـبـوب الريح لاداره=وشال ثوب الزين عن ساقه
ثم عـادت للـحـشـى نـاره=وشـالـت الـمـعلوق باشواقه
خافقي يشكي من اضراره=بـس لا قــوه ولا طـــاقـه
طـايـحـن قـلـبـي بـمـعباره=في جحيم العشـق وارهاقه
الـبـنـادق بالحـشـى ثـاره=مـن عـشـيـرن طاح ميـثاقه
لو تـبعت الربع واشواره=ماشـكـيـت الـروح لاضـاقه
جـمـر هـجره ذقت مسماره=طـايـحـن قـلـبـي بمـغراقه
ياعـنـودن تـشـبـه اقـماره=حـبـهـا قـلـبـي عـلـى فـاقه
اسـمـحـي للـقـلـب بزياره=قـبـل مـوت الـقـلب وفراقه
شـف دمـوع العـين مدراره=مع سـواد الـسـهر باحداقه
وحـالـتـي بالهجر وش صاره=من جروح الروح وفلاقه
ارجـي الـرحـمـن واقـداره=يفـتـح اللـي زاد مـغـلاقــه
ويـرحـم الـلـي دمعته ساره=من عـشـيـرن بالهوى شاقه[/poem]