[align=center]مشكوره اختي سكر نبات على النقل والطرح بس فيه رد ثالث
ياللي تنشـــد عن علوم الـذي طـاف ... كل البحـور وكـل دولـه وديـره
خذ من علومي علم اوصافه اوصاف ... جزل سميـن يشتعـل لـه سعيـده
الزيــــن عقــــب المغربيـات ينعـاف ... غيد لهن بالزيـن ذكـره و سيـره
فيهن حلا طاغي وليـن و تعطـاف ... وفيهن حنان يشعـل القلـب غيـره
حلوات وصف وفاهمات بالاعـراف ... زيننات منطق صافيـات السريـره
بنات قوم طيبهم غصـب ينشـاف ... اولاد مغـرب باللـيـل العسـيـره
ياللي تنشد عن علومي بالانصـاف ... هرجي يكفي صاملـه عـن كثيـره
الزين في لميا وتغريـد و الطـاف ... ماهوب في حصه وكشره ومنيـره وردت عليه الشاعره بالابيات هذي :
قال الذي في بدع الامثال صـراف ... جزل يفـرق بيـن درهـم وليـره
ياللي مدحت المغربيـات بجحـاف ... الله يجيرك مـن عمـاه البصيـره
لو تعجبك لميا وتغريـد والطـاف ... مايصلحن لهـل الوجيـه السفيـره
مفصخات ولبسهم حـول الارداف ... وبليس اغواهـم بكشـف الستيـره
متعـودات كلهـم زيـف وخفـاف ... علـى التغنـج والتعطـف وغيـره
كل يوم مع صاحب ولا فيهم اعفاف ... خويهـم اللـي فلـوسـه كثـيـره
ترى البضايع عده اشكال واصناف ... وكل ينوخ وسـط سوقـه بعيـره
عز الله ان الطيب في بنت الاشراف ... اللي على الحشمه تربـت صغيـره
ولا تبيـن منهـا كـود الاطـراف ... مثل القماشـه فالبحـور الغزيـره
ياللي تدور بالجواهـر والاصـداف ... الزين كلـه فـي بنـات الجزيـره
لإظافة النص الثالث
وهذا رد للمرحوم طلال الرشيد (( الملتاع )) .. الله يرحمه
يا بن الحلال ان طعتني خل الاسراف... واترك جمال الغيد لا هل البصيره
الزين موبس الملامح ولاوصاف... الزين روح وعفه وطيب سيره
ما نيب من يهوى سريا وانصاف... انا هواي وبس بنت الجزيره
بنت الخليج اللي تمـاري بالاعـراف...وحنـا نمـاري باسمهـا كـل ديـره
مالي غرام بقـول وخـا وبالـزاف...اذبحتني عنـد الطرحـه المستديـره
احب قولة ياهـلا وعـل وماخـلاف...من بنت ثوبي بنت الارض النضيـره
اللي تحلاها الظبي حلـو الاطـراف...جمـال فـي عفـه ورقـه وغيـره
واللي بها سحر مهو سحـر عـراف...ياعـل عيـن ماتـراهـا ضـريـره
عطف وحنان وذوق في لين الاعطاف...والى كشفت لثامهـا شفـتأ أميـره
صعب على اللي بالردي شاف ماعاف...وحلوه علىاللـي سنـه الله ضميره
شمس الى من اشرقت والدجا طـاف...غابت نجومك غصب لو هي كثيره
السيف مايزهى سوى كـف سيـاف...والخيـل دون حصانهـا مستخيـره
بس أنت دورلك على قـدك لحـاف...وان طعتنـي دور بدلنـا عشـيـره
والسموحه منكم وتقبلوا مروري اخوكم
عاشق[/align]
|