هلا وغلا بطخمتنا منيذر ابالرغفان حياك الله

اعتقد يابني انك تقصد تلك التربه المجتمعه في سفح الجبل يااباعمرو؟

وهي يقال لها برقاء وهي تختلف عن فخذ برقاء من عتيبه:

[poem=font=",6,white,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
رمـاني في طـريق الهـجـر دربـن دايـمـن مـجــهــول=ومـوجـن مـن دخل قـبـلي غـدو في ظـلـمته غرقا
نـهـاري مـشـغـلـن روحـي بـقـافـن بالـعـتـب مـسلول=ولـيـلي ساهـرن جـفـنـي اجـاوب نـايح الـورقا
الا يـاعـزوتـي جـرحـك بـقـلـبـي صار هـول الـهـول=غـدى يكـوي مـعـاليـق الضمير ويطرقه طـرقا
الا لـيـت الحـشـى سـالـي مـثـل ربعي على الـمحـمول=او اني مع شيوخ الطـيب واهـل الجـود من بـرقا[/poem]

وراس الجبل يقال له قمة الجبل العاليه مثل:

[poem=font=",6,white,normal,normal" bkcolor="black" bkimage="" border="double,4,orange" type=2 line=0 align=center use=ex num="0,black""]
طـيــر يـالـلـي لـحـايـل رف جـنـحـانـه=شـل سـلامـي عــدد ذاري هــبــايـبــهـا
طـيـب حـاتــم جـذوره روس ظــلـعـانـه=وطـيـب الاجـواد يـنـبـع مـن حـقـايـبـها
يـامـنــابـع صخـى حــاتــم وعــنــوانـه=لابـتــن بالـصـخــى تـمــشـي ركـايـبـها
يـاربـيـعـن عـلـى ضـيــفـه وجـيــرانه=يـاكـفــوفـن ربـيــعــك فـي سـحـايـبـهـا[/poem]

وهي تختلف عن البارق الذي يشع في الغيوم مثل:


[poem=font=",6,white,bold,normal" bkcolor="black" bkimage="" border="double,4,orange" type=2 line=0 align=center use=ex num="0,black""]
عفى الله عن اللي نوم عـيـنـه يسارقه=ويطرق ظـلوع الصدر باللـيـل طارقه
دوالـيـب فـكـره تالـي اللـيـل تـبـتـرم=وتشـعل جـحـيـمـن بالضماير مطـارقه
يعاني سيوف العـشق مـن زيـنة الحلا=اللي مـشـت للحـرب تـومــي بـيـارقه
لك الله تشادي فعل جـنـكيـز والـتـتـر=اللي وطـت دار العـرب مـن مـشـارقه
انا ضـايـعـن برمـوش عـيـنـه وقــذته=وريحة عـطورن نـبـعـهـا مـن مـفـارقه
وشـفـايـفـن مـثـل الحـرايـر لـيـانـتـه=مـصـبـوغـتـن مـن لون سايل شـبارقه
انا قلت ياقـلبي ترى الـمـوت بالهـوى=وكم خافـقـن قبلك غدى العـشق حارقه
ولا طـاعـنـي والعـشـق مافـيـه حـيـله=ولا هـو تحـذر بـالـهـوى عــن دوارقه
اذا ضقـت قـمـت ارقب نواحي ديارها=ضوحن بوسـط الـمـزن ماغاب بارقه[/poem]

وان كنت تقصد البرقيه لانها مشتقه من البرق فتكون مثل:

[poem=font=",6,white,normal,normal" bkcolor="black" bkimage="" border="double,4,orange" type=2 line=0 align=center use=ex num="0,black""]
شكواي بالبرق والقيفـان مشفوعـه=للي بتيماء صنوف الطيب فـي داره
يمناه تطرد ظلام الجـوع بشموعـه=وطيبه مرابع محول الوقت بامطـاره
بيت الغريب بذار الطيـب وزروعـه=من فضل رب رفع طيبـه ومقـداره
دارن بها منقـع الفزعـه وينبوعـه=اسقت خلف من نبوع الطيب وانهاره
فيها بيارق هل الطـولات مرفوعـه=ريفن للاضياف مع سترن على الجاره[/poem]


وان كنت تقصد الابريق اللي تلتح به الشاهي لين تويق كريشتك فهو مثل:

[poem=font=",6,white,bold,normal" bkcolor="black" bkimage="" border="double,4,orange" type=2 line=0 align=center use=ex num="0,black""]
منذر ولو هو بالعلاقه صديقي=لكـن كـلاني ماترك لي فـطــوري
حاس القدور الطابخه والبريقي=لما غدى صوته تقل حس بوري[/poem]

هذا جواب على عجاله لك يااخ منيذر ومالك لوا يالطخمه00