[align=center]

[poem=font="Traditional Arabic,6,,normal,italic" bkcolor="transparent" bkimage="" border="none,4," type=0 line=0 align=center use=ex num="0,black""]
على سفح القصيد اجلس ملقي للقوافي بال = ماهي من سجة الخاطر ولاراحه وتعليله
أنادي للجزل وألا الهمل ماينعش الموال = ومن يثني على همل القصايد قلت عزي له
تزاحم في مخيلتي بيوتٍ نصفها يحتال = على نصفٍ تسابق لأبيض من الطرس تشكي له
ألا يابيت لاتحزن يجيك الدور ثم تختال = تراها ملحمه كلٍ يجيه الدور يدعي له
تصبر لاتعجل والصبر من قمة الأمثال = على شان التسلسل يجذب القاريء وياتيله
وأنا أوعدك في حسن التصرف مثل مالخيّال = يخلّي كل مهره جامحه باللين تصغي له
جموحك لو تعدى قوته من ضربة الزلزال = أشد من الرسن لين الرسن بالطيب ياوي له
وخلك بالمسار اللي ينومس شاعرك لاقال = ضميري بالشعر حاضر وأنا والحق ماضي له
مفاهيمي ماهي قصة غزل أو دردشة جوال = ولاخلٍ على كثر الدلع مطلوبه أثني له
ميولي للغضي أكبر من اني آخذه بهبال = أو استضعف بقايا قوته وأسهره وأنوي له
أو أستهلك قصص عاشق سقاه من التعب همال = سبايب شامتينٍ فوق خد البنت تطري له
عرفتوا ليه حتى لو ألقي للقوافي بال = ماهي من سجة الخاطر ولاراحه وتعليله ؟[/poem]
[/align]