هلا بك اخوي سرحان الله لا يهينك ولا يصغرك
الكرسي واللي جالسن على الكرسي نور مبروركم ومشاركاتكم
اخوي سرحان انا بالإجابة على الأخت زهرة حايل قلت لها مو شاعر كبرتيني بسؤالك هل انت شاعر
انا بصراحه مو شاعر ولا وصلت لدرجة أن ها الصفة تطلق علي لأني ما اكتب الشعر كصنعة او كهواية دائمة
لكن احيانا الشخص يمر بمواقف وظروف تهيض مشاعره
فتبدأ تقلقه هذه المشاعر فيحاول أخراجها كشعر او خاطره وهكذا وانا من هذا النوع
بصراحة ترددت كثيراً قبل أن أرد عليك لأنني اعتبر ما اكتب شيء خاص فيني ولا احب أظهاره
لكن انت واعضاء بعد حيي غالين ولا أقدر ارد لكم طلب وتفضل اخوي ها الأبيات

شف الغلا دقـق بـعيني تشـوفه ***** كـل الـمحـبة لك يالـغـضي تباني
شفت العنا منك وجتني كلوفـه ***** ونومي عقب فرقاك صد وجفاني
إليا ضواني الليل جتني طيوفه ***** متى اشوفـه وأهتني فـي زماني
متى كفوفي تجتمع مع كفوفه ***** متى نـضـم البعـض قـبـل الدفاني