ياللي جرحت القلب واطفيت نوري
لاتمثل انك منكوي بنار الاشواق


مادمت ماتشتاق لي في حضوري
في غيبتي لاعاد تسأل وتشتاق


ولو انه وجودك في حياتي ضروري
بانسى غرامك دامها فراق في فراق


المشكله اني صادق في شعوري
واحس في هرجك معي زيف ونفاق


دورك تعذب قلب حبك ودوري
عاشق يعيش بهم مااظن ينطاق


بامر الهوى والشوق تمشي اموري
وانا لجميع الناس مكشوف الاوراق


في وسط قلبي الجرح دايم يثوري
من رحت عني بعدك البال ماراق


وانت كنت تبغى ياهوى الروح شوري
سافر وخلك للجفا دوم ســباق