[align=center]أهـداء لمن خانتني مع اعز الناس في هذا الصرح الشامخ
واقول له
رح للذي خلاك تاجٍ على الراس
واعرفُ تراني تاج راسك وراسه

واهداء اخرُ

ياعيوني مابقا شي لجـل نسهـر عشانـه
بستريح وتستريح خيوط فكري من عناهـا
مابقا غير الدروب العوج ورموز الخيانـه
والعلوم اللي تحز النفس وتضيّـق فضاهـا
كلما جينـا نبـي عقـل تغطيـه الرزانـه
مالقينـا الا عقـول طاغـي فيهـا غباهـا
يكفي الرجال مما يسمعـه شوفـة عيانـه
وان لقا وجه الحقيقه في زمانـه مانساهـا
استحالت كلمتي والوضع مالي فيـه خانـه
لكن اهل الوضع قامو والحقو نفسي مداهـا
مايبي لعلومهم عنـدي كتـاب وترجمانـه
اعرف الشي المخفا واعرف البير وغطاها
اّترفع واّتنـزّه مـن فـلان ومـن فلانـه
واطرد اهل النيه القشرا ومن يمشي وراها
والله اني عارف دروب التلفـت واللعانـه
واعرف وجيه الصراحه واحترم مدة عطاها
وعالم ترضـى بمنزلـة المذلـه والاهانـه
والله اني مـا أنـزل مستـواي لمستواهـا
الله اكبر صارت الايـام مافيهـا ضمانـه
والسنين بحملها واعمارنا تطحـن رحاهـا
كم تقبل قلبي المجروح من لوعـة زمانـه
مايصّبرقلبـي الا شيمـة النفـس وغناهـا
آه من قلب همومـه هدّمـت باقـي كيانـه
كل مايرحل يبـي يرتاحهـا قدمـه لقاهـا
وآآآآه من عين سهرها طارحن معها الميانه
مالقت للراحه اسم ولا لقـت لـذة هواهـا

وبالهناء له ولها [/align]