في عام تسع ميـه وواحـد وسبعيـن
تاسع ربيع اول وفـي صبـح الاثنيـن
ميلاد اكرم من وطى القاع يا حسيـن
طفـلٍ عليـه الله وخلقـه يصلـون

يوم انجبته امه عقـب طـول مسـرى
من نور وجهه شافت قصـور بصـرى
وتحطمت صلبـان قيصـر وكسـرى
واصبح هرم فرعون ما سـر فرعـون

قالـوا ملائكـة السمـا يـا أمينـه
سمـي ولـدك احمـد وحبـي يمينـه
وعيذيه بالله مـن حسـد حاسدينـه
(إنا سنجعل منـه مصبـاح للكـون)

هـذا النبـي الهاشـمـي الـنـزاري
فجرٍ سنا صبحـه يبـوج الغـداري
نـور النبـوه فـي محيـاه جــاري
مصباح أهل الأرض يا اهل الصنم عون

في يوم ميـلاده توفـوا هـل الفيـل
وكاهن هل البصره وكاهن هل النيـل
وشافوا هل الساحل طواقي هل الغيل
من نور وجهه والقمـر دون فـي دون

في مولده يا حسين من ضمن الايـات
من أبطن الاصنام يخرجـن الاصـوات
من هاتفـات الجـن وكـل آتـيٍ آت
ياللي تعاتـب عنـد دمّـون دمّـون

تقول_فاطم بنت عاص أمّ عثمـان_:
ليلـة ولادة أحمـدٍ شانـهـا شــان
يكاد نـورٍ منـه يذهـب بالاعيـان
وخفت الكواكب فوق راسي يطيحون

لا جيت الفه باللحاف انقلـب عنـه
كن الكواكب فـوق تبغـى تعاينـه
وصارت اواني البيت مثل الذهب منـه
وشفت الوسايد يزحفن له على هـون

يـا فاطمـه هـذا النبـي المسـمـى
باكر يجيك الصبح بـ(إقرأ) و (عمّـا)
أمـا مـن استكبـر فـ(نـارٌ) وأمّـا
من اهتـدى فيبشـر بتيـن وزيتـون

مـا جـا مـن سفـاحٍ ولا قالـه الله
جاء من نكاحٍ حسـب مـا سنـه الله
يوم العرب في ملكـة الشـرع قلـه
واغلب مناكحهم زنـا لـو يعـودون

هـذا بـن عبـدالله نسـل الأكـارم
والجد عبـد المطلـب إبـن هاشـم
ابـن منـاف ابـن قصـيّ المغـانـم
ابن كلاب الخيـر والخيـر مضمـون

وكلاب بن مره ومـره إبـن كعْـب
ابن لؤيّ الحرّ ابـن غالـب الصعْـب
وغالب إبن فهرٍ وفهـر مهـو لعْـب
وفهرٍ لقبـه قريـش ياللـي تعـدون

بن مالك بـن النضـر آبـن كنانـه
ابـن خزيمـة إبـن مـدرك زمانـه
اللـي ثنـى دون الضعينـه حصانـه
منه اهل وادي الحمض والخمض يخشون

ومدرك هو بن الياس بن عالي الشـان:
مُضر هو اول من حدا قدم الأظعـان
ابن نـزار ابـن معـدّ بـن عدنـان
وعدنان في اسماعيل بعد اربـع بطـون

ابـن براهيـم الخلـيـل بــن آزر
أهـل المقـام المرتضـى والمـيـازر
خلْ عنك حكي أولاد بطرس وعـازر
ما هم بحوله في الشرف لـو يطولـون

واتـرك يهـود الدونمـا والخـزريـا
لو حاولـوا بأصلـه يحولـون الأريـا
إن مـا سقينـا كلبهـم مـرّ شريـا
والا ترانا مثل ابـو الهـول ملعـون

ابـن الذبيحيـن احمـدٍ لـو تعالـوا
ياللي علـى جحـدة محمـد تمالـوا
تعالوا إلـى كلمـةٍ سـواءٍ تعـالـوا
وحاذور عن شمـس الحقيقـه تميلـون؟

يا اهل الكتـاب الله عطاكـم كتابـه
واسم محمـد فيـه مـا هـو تشابـه
ولا زال باقٍ عنـه بعض الكتابـة
غير اللـي اخفيتـوه عنـا وتـدرون

يـا ليتهـم جهالكـم بـسّ تـدري
باللي فعلوتـه أول الوقـت بـدري
ان كان قدني منكم اشفيـت صـدري
واظهرت باطلكم لكم لـو تروغـون

بأذكر بعض ما عندكـم عـن محمـد
في كتبكم يا اهل الصليـب المصمّـد
بتوراتكـم وانجيلكـم عـن تعمّـد
اخفيتوا اسم احمد مع اولاد صهيـون

اغواكم ابليـس بتحريـف الآيـات
كتمتـم الآيـات كتمـان الامـوات
ما مات شيء فات يـا ناقـد الـذات
الحـق باقـي منـه حلـق ولغنـون

يا اهل الكتاب اللي حرفتـم حروفـه
تحريفكـم خلـى عيونه بجـوفـه
وتزويركـم كـلٍّ بعينـه يشـوفـه
وشلون تخفونه عن النـاس وش لـون

احمـد عرفتـوه بعلامـات جسمـه
وبكتابكـم مذكـور بإسمـه ورسمـه
والخاتم اللـي بيـن الاكتـاف وسمـه
شفتوه شوف العين وش عـاد تبغـون

حـق البكوريـة كتمـتـوه عـنـاّ
وسقتوه لأنفسكم بـلا ذنـب منـا
غصـبٍ عليـنـا إنّ بـالأمـر (إنَّ)
وهذاالصحيح وقولوا اللـي تقولـون

يتبع