تشدين من ازره؟؟ عاد شعلول تلقاه الحين منتفخه جردته

علشان تشجيع السحالي000 الله اكبر عقب ماانت بهالشعبان تطارد الطيور ومخباك

مليان من ذروق الطيور وريشهن صرت الحين مفزاع العذارى؟ الا واهني الشهب00

وبعدين الماء جمعه ماهو مياه ؟ جمع الماء غدير او قليب ومنها اشتقاق ام القلبان وهي جوجو

واخوي الحماد الدراهم تقول مؤنث او مذكر؟؟

الدراهم هذولا شله فاسده شباب واعرابهم ضمير خسيس مستتر في رفوف البنوك ومخابي

العفون اللي يقطع جنسهم عن جاهد الارض 000

وعلى فكره ياشعلول كان تبي تنفع الشعلا وتخليها تغليك حيل هاتها بكرا انت وابن العم حمود الغسلان

لاني شريت لي جمل راسه تقل تنكه كليجاء مدلقمه ومبرومه وبراطمه تقل براطم خبز تميز واخلاقه

ماتتوقع حلاوتها ويبي يبسط خاطر الشعلا ولا لقيت له اسم الى الان لكن محتمل اسميه طنخان 00

ابوه اسمه طقعان يسوى له ذود لحاله لكنه شرود مايداني الهوش والله لاتعاركن

الزمل اني ماارده الا بالسياره من ورى خب الرضم المسبوع000

نشدت راعيه اول يقول الخوف اللي به من امه بقرة السليمان0000 يمار يوم تذكرت

المثل اللي يقول شوط بقره 000 بسم الله على قلبه الله يستر عليه000