[frame="1 70"]
ودي ولكن كيف تحقيق ودي
عيّا زماني لايجي لي على الكيف
لقيت من وقتي عناد وتحدي
يمرني عمري مثل عابر الطيف
ياما تمنيت الدقايق تهدي
وياما تمنيت الشتا ينقلب صيف
ظلم الليالي مع نصيب متردي
تجمعوا واصبحت أنا عندهم ضيف
غديت تايه دمعتي فوق خدي
دمعة يتيم ملوعته الصواديف
فصلت من خام الشقا ثوب قدي
كسيت نفسي بالعنا والتحاسيف
لقيت من حبيت عني يصدي
والسالفه طالت وراحت سواليف
قلبي ومحبوبي مع الوقت ضدي
يهون قلبي عند صد المواليف
يانفس لايام الجفاف استعدي
موتي قهر والا على ضربة السيف[/frame]

للشاعر ناصر القزلان