[grade="8B0000 FF0000 FF1493 FF0000 8B0000"]بسم الله والحمد لله والصلاة والسلام على رسول الله

أما بعد:

الشاعر / محمد بن شلاح المطيري

أنشد قصيدة ينصح بها ابنه نمر

وهذه القصيدة تعتبر من أفضل القصايد في بابها:[/grade]


إمل الوجار وخلو الباب مفتوح ***** خوف المسير يستحي لاينادي

نبغي الى جاء نازح الدار ملفوح **** وشاف البيوت مصككه جاك بادي

يقلط لديوان به الصدر مشروح *****ورزقه على رازق ضعاف الجرادي

يانمر مافي صكة الباب مصلوح **** ولاهيــب إلنا يـامـضـنـة فوادي

تصلح لمخلوقً يبي يستر الروح ***** ناشي عليها معتمدها اعتمادي

يانمر لو المرجله سدو مسدوح ***** كـلً نـقـزهـا حر والا بـرادي

لكنها من دونها المر مطروح *****وأرض تبي من بذر فعلك سمادي

رجال تقصيره مع الناس مسموح ***** لحيث ماله في القديمه شدادي

ورجال تقصيره مع الناس مفضوح *****وكلً يقول النار ترث رمادي



[grade="8B0000 FF0000 FF1493 FF0000 8B0000"]رحم الله الشاعر / محمد بن شلاح المطيري وأسكنه فسيح جناته[/grade]