اسرق اللحظات من وقتي واجيك
واشتكي شوقي وعتابي واسمعك

***

ايه احبك ايه ارددها ابيك
بس اخاف الناس يشوفوني معك

***

ايه اودك واحلف اني مهتويك
عاشق صادق وروحي تتبعك

***

كـل عمري ياحياتي بين يديك
انت تامرني وانا رهن اصبعك

***

بعت هالدنيا لجل يمكن اشتريك
صاحبك ربحه يشاهد مطلعك

***

في غيابك كل شي يحتريك
عين وانفاس وشتات يجمعك

***

اسال قلبي اذا عنده شريك
في غرامك اوفكر يخدعك

***

اساله كيف المعاني تحتويك
يحضنك قلبن غفى في مهجعك

***

الحلا والطيب والاخلاق فيك
والسماحه والامل في مطلعك

***