منتديات بعد حيي - عرض مشاركة واحدة

معرض الوسام · 05-28-2008, 03:11 PM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/2.gif" border="double,8,black" type=2 line=0 align=center use=ex num="0,black""]

خايلت برقن سرى والـروح منداشـه=ضوحه يشادي لميع الماس بفصوصـه
بطبوق غـيـمـن هزيمـه ثـار لولاشـه=فـيها المخايل بوبل المـزن مرصوصـه
كنه عن الريح والعاصـوف منحاشـه=حـاديـه حـادي نـذيـر الريـم بقنوصـه
جعــل المخايـل بحــايـل وبـل رهاشـه=يحيي فياضن من المجـداب مقروصـه
تمشي سـيـوله لوجـه القـاع قـشـاشـه=تلقى خضاره يلوح بـراس برخوصـه
حيث ان فيها مقـام الجـود وفـراشـه=ناسن كرمها ملى التاريـخ بقـصـوصـه
شـمـر فخرهـا نفـاد المـال وادباشـه=غاصت بحورن تخاف الناس من غوصه
مع ضيقة الوقت والحاجـات وابلاشـه=طيبه تـعـدى هـل الهـقـوات وخروصـه
وبـنـي تمـيـم كـرمهـا يلـعــج فـلاشـه=حـتـى صغاره بحـبـل الطـيـب مـقـلـوصه
للضيف تجدع فــقـار الحيـل واكباشـه=ماحاسبوا عن هـلاك المـال ونقوصـه
ومن ناش جـالـه يذوق الموت لاناشـه=يمـسـي وروحـه هشيمن يابسن خوصـه
يضرب طريق الهلاك بضرب رشاشـه=والا قضى العمر والرجلين مقصوصـه
وياللي هقيت المرابع سهـل مطراشـه=دونه ربوعي تسوق الروح مرخوصـه
ماهي دواويـن مـن يـمـنـاه غـشــاشــه=اللي قـلـمـهـا ظهـر للـنـاس قاروصـه
قامت تفاخر طـروز البشـت بخياشـه=والطيب ماهو بياض اللبس وشخوصه
بالكذب تلـقــط فـخــر ربعـه بمـنـقاشـه=وعند الحقايق يصيب الراس خابوصـه
وراس الظباء مايسد الجـوع بعراشـه=والمدح محدن شرب صافيه بشنوصـه
مايـنـفـع المـيـت طـب النـاس وانعاشـه=وعروق قلبه بحب المـال ممصوصـه
واهـل الـمـراجـل تجـي بالـمدح مهتاشه=ولافاد ناسـن بشـح النفس مجـبـوصه
طيب الجماعه بياض القطن والشاشـه=ربي جعـلها بتاج الطيـب مخصوصـه
يفــرح بـهـم سـاري الظـلمـاء وهتاشـه=عن واحدن ضيفته بالصبـع مبقوصـه
تاريخ حايل ذهــب ساقـوه مـن كاشـه=وحروف طرسه عن الهفوات مفحوصه
شربوا قـراح الفخـر مخـتـوم بغـراشـه=وشـيـلـت خويه على المريـخ ملخوصـه
عافوا خرابيش عيش الهون وعشاشـه=وضحك المهرج بوسط الناس ورقوصه
فـيها الحـمـايل مخايـل طيـب جـيـاشــه=تشهد به الناس والقرطـاس وقروصـه
هــداج وانـعـــم مـن الديـبـاج وقــماشـه=عـشـوا ذيابـن عن المفـراس متغوصـه
مجدن وصل حاطب الدنيـا وحشاشـه=ودروس حاتم تروس الجود ونصوصه
بالجـود شــلال كالــشــعــال بكــلاشـه=وحجاب لاهل الركاب الحمر من عوصه
ركبوا اصيل الطباع وعـافـت اكداشـه=ولاعاش فيها حثال الناس ولصوصـه
لــولا ربوعي عــلـوم الطــيـب ماعاشـه=والا تـلاقـي ضعـاف النـاس مبروصـه
الجـــوع لابـان بالـعــربـان نـهـــاشــه=اهـل اللحيسه علاج الجوع وغصوصـه
صكوا على الطيب قفل المجد وابياشـه=وشاموا عن اهل الردى ودلاه ومحوصه
هــم راحة الجار عـز الـدار واحواشـه=هم مزبن الناس عند الباس ونغوصـه
هـم عسكر الجود وقت الكود واجياشـه=هم جمرة الهزم عند الخصم ومغوصـه
هــم منبع الطيب ناب الذيـب بهواشـه=مقباس تفهم حقوق الناس وشقوصـه
هــم ورد الاكـوان والقـبــطـان والباشـه=مزبان ناسـن جهــدهـا بـان ناقوصـه
هـم نـور الافـلاك كـان اوذاك خـفـاشـه=زادت على الناس بالمقياس والبوصـه
هــم عـلـة الجـوع للمـسـبـوع مخواشـه=لاقيل زادت جــيـاد الجـوع بقحوصـه
بالصيف للضـيــف ماتطــلـع بدشـداشـه=وعند الوزى ماجزى المحتاج بنكوصـه
اهل الطويـلات والـطــولات واقـفـاشـه=والــدار للجار مهــمـا جـار مبحوصـه
ماهي توالــف سوالـف طـاش ماطـاشـه=امجـاد الاجـــواد ياعـــواد مبخــوصـه [/poem]