منتديات بعد حيي - عرض مشاركة واحدة

معرض الوسام · 05-28-2008, 03:37 PM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]

البــدو شـدوا وانـتــووا بالـمـطـاريـش=يـتـلــون براق الـمـزون الـنـواشي
سـارت ظعـاينهم على ضـمـر الجـيش=واقـفـوا بريمن بالوصايف نشـاشي
وركبت جـيـبــن قـبـل مـشـراه مانيش=راحت فـلوسه فوق الاسـيات كاشي
مايـمـلـك اوراقــه قـلـيــل المحـاويـش=اللي غــنـاتـه يوم صـرف المـعاشي
يامـا تـبـهـذل فـي نـقــاط الـتــفـاتـيـش=يخوض بالنـقـطه صنوف الهـواشي
ددسـن بـلا لوحـه ولا بـه خـراطـيــش=وغـمـارتـه فـيـها حـديــد الـقـراشي
اما هـرب مـثـل الـنــعـام الـمـنـاحـيـش=والا يـخــاوي لابـسـات الـمـغـــاشي
يرجف من اللي يلـبـسـون الطرابـيـش=لو نام فـي شـبك الغـنـم والمـواشي
عشرة مـن العسكر خـبـولن مـتانـيـش=ولا هـم مـن اللي يقـبلون الـنـقاشي
وعريفـهـم يـمـنـاه مـثـل الـشـواكـيـش=من ضربـتـه يـقــدح بعـيـنـك فلاشي
وهو ضايقن بلـشان في لـقـمـة العـيـش=وتوفير عـيـشة طفـلـتـه والفراشي
بعـض الغرف مابـه مـكـيـف ولا فـيـش=ونـوافــذ الـغــرفـه عـلـيـها خـياشي
والا سكـن فـي لافـحــات الـخـرابـيـش=ومحـدن يزوره غير شهب الحـناشي
وعفن العرب يشبه حـليب المجاحـيـش=بالـمال عـفـن وبالـسـوالـيـف واشي
عـسـرن على مـثـلـه بعـيـد المـهاتـيـش=يزمـي ولو يـمـشـي دروب الهلاشي
جـيــبـن يـشـادي للــذياب الـمـخـاريـش=اللي يخـاف مـن الـفـشـق والكلاشي
به مـن فعل ساجـر وجـدعـان وشـويـش=اللي يـبـلـون الـكـبـــود العــطـاشي
ناصل على سـيـتـه جـمـيـل الـدشـاديـش=اللي خـذت روحـي وقـلـبـي بلاشـي
ريـمـن عـلـى كـفــه رسـوم ونـقـاريـش=والجـسم مع زيـنـه طويـلـن نـشاشي
جـيــرانـهـا صــاروا شـبــاه الـدراويـش=لابان في طـقـم الـذهـب والـقـمـاشي
دونه جـراهـيــد الـسـهـال الـمـواحـيــش=وديانها تجـمـع صـنـوف الخـشاشي
والسـدر شوكه مـثـل روس الـمـنـاقـيـش=يـنـبــت بوديان الظـما والـعــفـاشي
وروس الجـبال اللي رباه اشـقـر الريـش=وتـلـمـع بوديـانـه قـديـم الـغـراشـي
مـابـه لـسـرحـان الـبــرايـا عـرامـيــش=لو حـاف جـيـلان الـفـــيـافي وهـاشي
ونـجــوم لـيــلـه زاهـراتــن مـرامـيــش=ترعـب مـعـالـيـق الشباب الهـشـاشي
ودون الـغـلا ثارت فـروخ الخـفـافـيـش=وكـل يشجـع صاحــبـه عـاش عـاشي
اشـنـابـهـم فـوق الـحـبـيـبــه مـكالـيـش=ومن هـاش يرغي عـنـدها تقـل حاشي
وحالوا على شوفـة جـمـيـل الـعـكاريـش=طـيــفـه يهـيـض تالي الـلـيـل جـاشي
اهـل الـقـلوب الحـاقـدات الـمـغــاشـيـش=اخـبـث من الفـتـوى بحـلـقـات طـاشي
حـطـاب يـفـتـي فـي جـموع الحـواشيـش=وكـثرت خـبـاثـتـهـم وجـيـه الكـباشي
ظـنـوا عـقــول اهـل الـعـقـيـده قـراقـيش=وحـنــا نـعــرف حـبــوبها والجـراشي
وارجـع وانـا مـن شـوفــة الزين مالـيش=ربـعــي تـنـام ومـوتــري دوم ماشـي[/poem]