منتديات بعد حيي - عرض مشاركة واحدة

معرض الوسام · 07-17-2008, 11:51 PM

[poem=font=",6,,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]

طرى طيف اللطيف اللي عطى واخلف بميثاقه=وحط بخافقي جرح(ن) من الـهـجـران ماينـخـاط
ولا يـنـفـع عـلاج الـلـي جـروح الـرمـح بـاعماقه=وكل اللـي فـحـص جرحي نـتـايـجـهـم تصير غـلاط
واذا داجت بـي الذكرى زبـنت لراس شوهاقه=وهاض الجاش تقل كلاش كاش ولاتهيض اقـساط
سبايـب من رمـى روحـي بـدل لـقــيـاه بـفـراقه=وعـوده بـالـلــــقـــاء صـارت تــمـــدد كـــنــهـا الـمـــغـاط
وتـمـديــد الـوعــايـد لـلــقـــلـوب الـهــوج سـراقـه=واذا قـاربـت مـيـعـاده يـزيـد النـوط خـمس انـواط
لو ان اللـي بـقـلـبـه مـثـل نار الـقـلـب واشواقه=فلا اذوق الجـفـى والـهجـر مع دخلـة نـجـوم شباط
مع ان شبـاط هـو لــذة قـبـال الــزيـن وعـنــاقه=علاج(ن) للـهـبـوب اللـي يـشادي لـسـعة المـخـباط
ومـحدن لـه بـثـلج شباط لاحـيـل(ن)ولا طـاقه=اذا ماكان فـي حـضـن الـحـبـيـب وضـمـته مـحتاط
وانا ذقت الجـفـى والروح طـاحت فـيه مـنـعـاقه=تـعـانـي مع برود الليل هـجر(ن) يـجلب الاحباط
قـضـيـت الـمـربـعــانـيــه وشـفـت الـثــلــج باشناقه=وعـقـبـه ست والـعـشـريـن نـجـم شباط مايـنـهـاط
هـبـايـب بـردهـا كـنـه لـوسط الـعـظـم منـساقه=ولا يـنــفــع لــدفـع الـبــرد غـيــر الـنــار والــمـلـــقــاط
وعـديـت الـعـقــارب كـل وقـتـي تـحـت مـشـراقه=ثــلاث نــجــوم مـانــقـعــد بـلــيــا الــنــار والـشــخـاط
وانا اخبر الـدفـى شـوفــة هــوى بـالـي على فاقه=اذا جـتـنــي وحـطــت لـي على حرف الغرام نـقـاط
وجـاء فـصـل الـربـيـع الـلــي لـه الارواح مـشـتـاقه=ذراعـيـن وحـمـيـمـيـن وعـشـيـري يـنزل الـفسطاط
واشوف الريـم وعـيـون(ن)جـمـيـع الـزين بأحداقه=بروض(ن)والغلا تـجلس على عشبه بدون بساط
وغـابـت نــجــمـة(ن) كـانـت بــتــال الـلــيــل بـراقه=غـيـابـه وهـو نـهـايـة عام وحـسـابه عـلـى الـقـيراط
اسابق وقـتـنــا الـضـايــع مـع انــي دخــت بـسـبـاقه=حـدانـي شوقـهــا الـحـارق وخـلانـي تـقـل مـزقـاط
وعــقـب اسبـوع ثــم اسبــوع بـانـت تـشـبـه اوراقـه=واذا بـانـت ثـريـاء الــقـيـظ نـجـمـاتـه تــقـل بـربـاط
ثـريـــا الــقـــيـظ والـكـــنـــه وشـمــس الــقـــيـظ حــراقـه=بـرجــواه اربـعـيــن امـشـي مـن الــدوار لـلــخــيـاط
وفـي نــجــم الــتــويــبــع زاد غـــبــن الـــروح وفــلاقـه=وهو نـجـم(ن)شعاع الشمس ناره مثل نار الـغـاط
وعـقــب اثــنــيـن والـخـمـسيـن والجــوزاء لـنــــا واقــه=ثـلاث نـجـوم ووصــوفــه نـقـيـب بـرتـبــة الــضـبـاط
وعـقــب الـسـت والـعـشريـن والـشـعـراء ظـهـر ساقه=هي المـرزم وانـا سـهـران لاجل الصاحب الخـراط
ولاادري وش سبب ضـعـفــي قـبـال الـدمـع وشهاقه=مع ان طبوعها تـشـفـط عـروق الـقـلـب بالـشفاط
وعـقــب الـسـت والـعـشرين دجت الـصـبح باسواقه=وبـان سـهـيـل والمـوقع جـنــوبـي شعـلـتـه تـشـتاط
ونـجـم سـهـيـل حـر وبـرد صعب(ن) تـضـبط اخلاقه=تـقول ان الشتاء والصيف صارت داخل الخـلاط
وزان الـــتــــمــر والـــمــولــى يــجــود ويـنــــثــــر ارزاقــه=وبان البرق يوضي له شعاعن تـقل ضرب اشواط
وراح اثـنـيـن والــخـمـسـين وقـت سـهـيــل واطــواقـه=وقـلـبـي يـنـتـظـر ريـم(ن)فـراقـه ساطـنـي باسواط
وجــانـا الــوسـم وامـطــاره وعـشـبـ(ن) تـسـحـر ارناقه=ويـبـدى الـبـرد مع ريـح الـخـزاما والنـفـل لا عـاط
اطــارد لــي رفـيق(ن) حـط دون الـجـحــر مـنـطــاقـه=صعيب(ن)عـسـفـهــا مـهـمـا فعـلـنــا مالـهـا مـقلاط
وعــقـــب اثـنـــيـن والـخــــمـــسـيـن راح الـوســم واذواقـه=وعـاد الـبـرد والـغـــالــي يـســوط الـروح بالمـسواط
اذا جـبـــنــا الـجـــمــل قــالــت غــرامــي يـالـغـــــلا نـاقـه=واذا جـيـنا مع الـمـطـــلاع قـالــت نـغـلـي المـهـبـاط
ويوم امـسـى هـوى بـالـي يـصـيــب الــروح بـاطــلاقـه=وشفت اعذارها تشبه لطفل(ن) ياكل الـشـقـلاط
رحـلــت عـن الـهـنـوف الـلــي لـعــهــد الـعـشــق بـواقـه=هربت عن السهر والشوق خالي مانقلت قشاط [/poem]