منتديات بعد حيي - عرض مشاركة واحدة

معرض الوسام · 08-04-2008, 06:09 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

الا ويل من روحه عن العـشق ماجازه=ولاتاب قلبه مـن عـذاب امهات قناع
هواهن شفط قلبه على خـشم بروازه=وهو صابرن يرجي عنودن وفـاها ضاع
عجز يقطع دروب العذارى ويجتازه=واذا قلت له كافي يقول الحـشى ماطـاع
عقب شوف من طقت على القلب مخرازه=كـفخ له ضمير اللي قـضى ليلته ملـتاع
بلوط الحشى من رمش عـين الغلا بازه=وريحه سرق روح الهـواوي تقل نعـناع
عليها عباة وتحتـهـا تلـمـع اجنازه=سحرني سواد رمـوشها والعـيـون وساع
بتاج الحلا والـملح عند العرب فازه=وشالت ضروس اللي تـعـاند بلا مـقلاع
عنودن غدت في عالي الرجم منحـازه=ذيــورن تـفــز مـن الـزمـالـيـق بالذعـذاع
جماله بهر من يرسم البيض باعجـازه=عجز يرسم البسمه ونـقـشـه على الاصباع
ضحى العيد يمشي كن بالردف هزازه=مع المشي خفنا يـنـفـتـق ثوبه اللـمـاع
يصب بهشيم الروح بالهجر مـن قازه=لك الله خطر رمشه مثل طـعنة القـعـقاع
تعاف الذهـب ناسن للاموال كنازه=وانا مـثـلهـم مـاني على غـيرها طـماع
ضحك لي وقال البيض مقرود من هـازه=ومن يقـتـرب منهن لعـمـره غـدى بياع
ترى جرحها الخافق يصير اعظم انجازه=وتـذكـر رجـالـن بـالـمـحـبه خـبرهم ذاع
وكــم فـارسن دلا يـدوهـج بـعكازه=مع انه عـقـيـدن قاد ربعه على الـمرباع
وانا اليوم داخل هوشتن غاب حجازه=دخلـتـه رضى والـيـوم ويلي على المطـلاع
غدت دمعتي من حاجر الـعين نقازه=يعاهد ويرسل رمـح هـجـره على الاضلاع
وعقب الهوى حطت قفوله ومجـلازه=غدى كـيـلها ياصل لـقلبي سـديـس الصاع
بنارالعطش شال البزابيز واهـوازه=عنودن عـنـيــدن بالـهوى ذابحــن قـطــاع
احـسـب الـغـلا يفـتـح لـغـالـيه دروازه=وهو ســـد بـيـبـان المحبه وحــط شـراع
وانا مرتجي رجلن شريفن من اعزازه=وهو عضدي الساري كـمـا الـطـير بالمرفاع
خـبـيرن بـقـصر الهرج لاطـال وايجـازه=وهــو عــز مـضـيومن بهـمه وقـف مرتـاع
غدت عادته كسب النواميس واحـرازه=والاجـواد مـن يـسـكن على ضوحـهـم ماجـاع
عجزت احتمل هـجـر الـموالـيـف وافـرازه=شـبـيـهـن لـسـم الــداب في نابه اللـساع
ترى الروح يالساري لـيـمـنـاك مـعـتـازه=قـبـل ياصلـك مـوتي على مـوجـة الـمـذياع [/poem]