منتديات بعد حيي - عرض مشاركة واحدة

معرض الوسام · 08-14-2008, 11:35 PM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

تـقـول النـاس وش رايـك تــشـارك شـاعـر الـمـلـيـون=مدامك تـنـثــر اشـعــارك تـشـادي قـطعة الـديباج
وقـلـت الـشـعـر مايـمـشـي عـلـى مـنـهــج ولا قـانـون=لانــه فـوح نـيــران(ن)بــجــوفــي مـاشـفــاه عــلاج
يـهـيض الشعر من صدر الـمـعـنـا واضـح(ن)موزون=ولا يـحـتـاج من يـضـبــط مـلاوي حـرفـه الـمنعاج
واذا ماكـان لـه دافـع تــجــي من دون طـعــم ولــون=ولا احلى من حروف اللي هـمومه بالضمير امواج
واذا كان الـحشى الولـهـان بـهـمـوم الـهـوى مشـحـون=يصيد القاف من جنحان طـيـر(ن)بالـعــوالـي راج
وانا لو جـيـت لـلـمـيـدان شـفـت اشـعـارنـا طـاعون=واذا دارت دوالـيـب الـحشى تـمـسـي مـثـل هداج
وانا مااقـول باهل الـقـاف مـن كـل الــقـبـايـل هـون=ولـكــن الـبــشــر كـلــه مــراتــب بالــعـــمــل وادراج
اذا بان الحرج واضـح بـوجـه الـشـاعـر الـمـشـطـون=يهيض الـجاش في جـوهـر قوافـيـنـا بـدون احـراج
واذا شفت الـهـوى يـقـدح بـجـوفـي جـمـرة الـغـليون=نثر فكري من صنوف الـمـثـايل والـقـصـيـد ازواج
نظمت القاف من غيظ(ن)بـقـلـبي يـشعل الـقـولـون=يـثـور ان طـاف بي طـايف عنود(ن)بالحلا مغناج
عـنــود(ن)رمـشـهـا فـاتـن وحـظـي حـطـنـي مـفـتـون=سـواد عـيـونــهـا الساحر بـخـفــرات العرب ما داج
حـلاهـا ظـاهـر(ن)من دون لا كـشـخـه ولا صابون=خـدوده مثل بدر الـنـصـف فـي صـيـفه بـلا مكياج
سـهـرت اللـيـل وربـوعـي بـسـهــر الـعـيـن مـايــدرون=ادوج الليل من هـجـس(ن)بـمعلوق الضماير هاج
وطـانـي من غبون الوقت مثل اللـي وطـى سـعـدون=طيوف الزين تسري لي بـلـيـلي لا غـفـى الـهـلـبـاج
وتـرى غــســان مـابــات الـلـيــالــي مـثـلـنــا مـطــعــون=ولا تـنـقاس مع رجـل(ن)رقـد لـيـلـه بـدون ازعـاج
ولا يـفــهــم مـعــانـيـهــا سـوى اللــي خـافـقــه مـرهـون=ومن عاش الفرح صعب(ن)يحـلل زفرة(ن)الـمهتاج
وانا كـيف اتـبـع اللـي قـال حـط الـكـاف قـبـل النون=مدام النون قبل الكاف في وسط الحشى الوهاج
نـظــمــهــا قـبـلـنــا الـــقـاضـي وتـركـــي ثـم ابـن لــعــبـون=وغـانـم ثــم ابــن هـــدلان والـهـــربــيـــد والـمـجـمـاج
قـبـل تــطــلـع شـهــادات الـمــعـاهـد ثـم نــجــدي فـون=يـصـوغــون الـقــوافــي تـشـبـه الجـوهر وحـبره زاج
ولاشـالــوا شـهــادات الادب مـن بــون والـسـربــون=وقبل الـلـيـت كـان الليل يـقـضــونــه بـنــور سـراج
لان الـــقــــاف مـاهــو صــنـــع لا بـســـتــــم ولا بــنــــيــون=ولا تـصـميم صاروخ(ن)يـجـي من قــاذف الـمـيـراج
وانا افـهـم من هل الـتـحـكـيــم بـالـمـعـنـى وبالـمـضـمون=لانـه فـلــم عـن جـرحـي وانـا الـتـصـويـر والانـتـاج
اصوغ اللي بوسط الـصـدر عـن عـيـن الـعـرب مكنون=لما صار الـحشى كـنـه من هـمـومـه عـلـى لـه ساج
يـجـيـش الـقـاف من جوف(ن)غدى لـحـروفـها سيفون=يـنـقــيـهــا عـن الــزلــه وتـمـســي عــدلــة الـمـنـهـاج
ولا نــزبــن بـغــلـــق الـــقــــاف سـقـــراطــس ونــابـلـــيــون=ولا نــي فــي حــروف الغير لو شـح المثل مـحتاج
ولا نـــرجــي بــتــحـــضـــيـره طـلــب رسـمــي ولا مــاذون=واذا هـاجـت تــقـول انـه لـقـيـفـان الـعـرب كـرباج
وهايب واحـد(ن)خـيـره غـطـى واشـبـع جـمـيـع الـكـون=عـطـانـا مـن كـرم فـضـلـه تـوالـي سـورة الـمعراج
ولـيـش اركــض وراء الـلـجـنــه لـمــا يـطـلــع شـهـر كانون=ولا تـنـجــح لما تـمشي وراك من الـجـيـوش افواج
وانـا حــطــيــت عـن كـل الـــبـرامــج يـاعـــرب كــيـــلــون=وعن راي الـعـرب باشعار وجـدانـي مـعـي مزلاج[/poem]