منتديات بعد حيي - عرض مشاركة واحدة

معرض الوسام · 08-26-2008, 01:29 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
غاب بدري وخلي طـافـيـاتن شـموعه=وصغت همي بقافن مثل قاف القضاعي
عقب ماسار قلبي في هـواها وطـوعه=ثار موجه وغـطـى مركبي مع شـراعي
ويل قلبن جروحه في محاني ظـلـوعه=من عشيرن ظـلـومن صار ذبحه جماعي
له رموشن سواحر والردايف قطوعه=وشال روحي وعمري بالعيون الوساعي
لو تجـيـب العساكر ماتفـيـدك جموعه=من دنى راح عمره في دروب الضياعي
جبت دونه جيوشن تحـتمي في دروعه=واهـلـكـتـهـم برمشه يوم طـاح القناعي
وصار قلبي وحـيـدن والمحـبـه تلوعه=مثل لوعة يـتـيـمـن تالي اللـيـل جـاعي
مالقى اللي يـعـيـنـه مـن قرابة ربوعه=ذاق جور الليالي من سـنـيـن الرضاعي
لـيـن صارت حـياتي بالمـغـثـه قـنـوعه=عقب تحطيم جيشي مع حصون الدفاعي
قصف رمشه غريبن في صوابه ونوعه=والصواريخ تاصل في طـمان ورفاعي
نقـطـة القصف قلبي مـع بقـيـة فروعه=وسام سـتـه يجـيـنـا بالسماء له شعاعي
ضاع رادار قـلـبـي لايحـدد طـلـوعـه=وانقطع مـوج بـثــه مع قـمرنا الصناعي
احرق اركان جـيـشـي والبلد مع زروعه=وطـايـراتـه تجـيـنـا خافياتن سراعي
قـاذفـاتـه رمـوشـن بالـمـعـارك بـتـوعه=والمدافع عـيـونـن كالـغـزال الرباعي
والصواريـخ خـدن زاهـيـاتـن ردوعه=والرصاصات جسـمن مثل عود اليراعي
وقادة الجيش صدره والجفى في طبوعه=ان بغيناه عـيـا وان بـغـانـا يـطـاعـي
وعقب تحطيم جـيـشي فارقـتـنـا نجوعه=والـظـعـايـن دعـاهـا للـمـرابيع داعي
لاح للـبـدو بـرقـن سايـلاتـن نـبــوعـه=وابـعـدوا عـن عـربـنا للحيا والمراعي
لو تـهـل الـمحـاجـر مابـقـى مـن دموعه=ماسعينا لخـلي في خـبـيـث الـمـسـاعي
راعي الطيـب تـبـقـى بالمراجل رموعه=لو يجـازيـه خـلـه بالجـفـى والخـداعي
ولو بدى يآس قلبه من هواجس رجوعه=يـمضى الليل كله من غثى البال واعي
يـشـهد اللي رضينا طـاعـته في ركوعه=مانجـازي هـوانـا بـالـردى والـمـداعي
وان بـغـانا لـقـانا لو تـمـنـى فـزوعـه=كان ذاق الـمـغـثـه مـن قـلـوب السباعي
ضد ناسـن نـفـوسـه بالـرذالـه دنوعـه=وان تحـدى لـسـانـي ناصلـه بالـذراعي
عيب تعطي عشيرك هرج طيبن وروعه=مثل هـرجـن نـشـوفه تالي الوقـت شاعي
ثـم تشهر سـيوفـك ساطـيـاتـن لـمـوعـه=كنها حـرب قـومـن طـال فيها الـنزاعي
ياعـشـيـرن حرمـنـي بالليالي هـجـوعـه=وهـان قـلـبن صدوقن كان قبله شجـاعي
اشـهـد اني عـطـيتك وان روحك منوعه=ورغم حبي كرهـتـي شـوفـتي واجتماعي
وانك اشـقـيـت روحي ياسـبايب فجوعه=وانك اعـطـيـت قـلـبي بالمـهـونه يباعي
جـاك نـفـعـي وقـلـبـك ماعطـانـا نفوعه=وقـمـت تـرجـع وقلبي سايرن بانـدفاعي
وان قلبي شكى لك لوعـتـن فـوق لـوعـه=لـيـن زادت جـروحه في هواكم وضاعي
وانك ابـعـد مـن اللي يرتجـي حب كوعه=وان دمـعـي نـثرته في نهار الوداااااعي[/poem]