|
الراس عمره ما يقارن مع الذيل
[align=center]حطيت من حزني عناقيد واكليـل
وناديت للخوة أبـي راس مالـي
الكلمة اللي قلتهـا هـدت الحيـل
بالذات لاجتني من أطراف غالـي
هذا الزمن يحمي قلوب المهابيـل
لاتنتظرنـي مابقلـبـي هبـالـي
اذا الزمن همـه يورينـي الويـل
اصلي رفعني عالي نسـل عالـي
أقسمت لأصنع منك طعم المساطيل
ادخل على الله لا تزيـد انفعالـي
العالـم الله ماتسمـعـت للقـيـل
وكرامة النفـس العزيـزة حلالـي
فارق ترى بالقلب حسرة رجاجيـل
ان كنت تفهم في سلوم الرجالـي
وش فهمك دام انت مسطول ياحليل
من علمك ؟ ترقى سلوم المعالـي
أنا رجل واللي جفانـي رجيجيـل
وخسارتي ما وصلت راس مالـي
وأنت مهبول وصار حظك مهيبيـل
اللـي رمـاك بعزتـي واحتمالـي
" الراس عمره ما يقارن مع الذيل
ياذيل دامك ذيل ! مالـك ومالـي " [/align]
|