مدري متى صارت جروحي تسليك
عقب الوفا وشلون غرتك دنياك
يامن على اليوم كثرة طواريك
نهايه الغدار ما ظن تخفاك
في حبك الثاني عسى الله يهنيك
حنا مع الأيام أنذال وننساك
كنت الرجا واليوم خاب الرجا فيك
أرخصت ما ضينا وغيرت مبداك
وين الحنان اللي مقره موانيك؟
وين الضمير اللي عن الغدر ينهاك ؟
غالِ الدموع أرخصتها لك وأنا أرجيك
أبني لك بدمعي وتهدم بيمناك
يكفيني ما قاسيت منك وتغليك
منتب على قلبي وصي وملاك