السوالف كثيرة لكن فيه سالفه ماراح انساها ..

لأني صرت بموقف لا أحسد عليه ..

قبل تقريباً 5 سنوات

كنت متواجد في محافظه بقعاء والكل يعرفها

وهل يخفى القمر ,,

المهم كان عندنا شغل وكنا اربعه اشخاص ,,

وكنت انا السواف حقهم ,,

المهم جانا شخص ( مطوع ) وقال في محاضره للشيخ الفلاني في المسجد الفلاني

المهم الشله قالوا ليش مانمر على المحاضره ماعندنا شغل

والله ونحرك على المسجد المذكور وبعد السؤال عنه حصلناه في وسط حاره

وكان المسجد صغير شوي وزحمة السيارات على الحاره كلها

وكان بجانب المسجد بيت موازي له بالضبط

يعني ماتفرق ان كان المسجد منفصل عن البيت ولالا ,,

وكانت السيارات من الزحمه موقفين عند البيت وعند الباب على طول ..

والله ونصفط عند البيت وكان الباب مفتوح ,,

على بالنا ان الباب باب احتياطي يؤدي للمسجد ,,

من دخلنا الا الحوش صغير ,,

على طول لفينا يمين مع الحوش عشان نلف البيت وندخل المسجد

هذا اللي في بالنا .,,

لفينا من ورى البيت الا في اسطوانه غاز

غريبه وش جاب هالإسطوانه ,,

ونكمل شووي مع الحوش نمشي والشك محيرنا ,,

فجأه الا في دريشه قريبه وقربت لها أحسب ان هالدريشه للمسجد

من قربت للدريشه الا ( الحرمه تطبخ بالمبطخ )

وخشة عشوق مع الدريشه خخخخخخخخخخخخخخخخـ ..

وعلى طول الحرمه صرخت بصوت عالي ,,

وانا ارجع والتفت لأخوياي الا هم ورى الحوش مره وحده هههههههههـ ..

واروح لهم ركض واصيح عليهم واقول

هالبيت في حرمه انحاشو انحاشوا

ههههههههههههههههههه

ونركض بإتجاه الباب اللي دخلنا من عنده ,,

وصوت المره تقول ياللي ماتستحون الشيخ يحدث وانتم هنا

خخخخخخخخخخخخخخخخ

وركض على السياره ..

واحد من اخويانا من الخوف دخل المسجد

وحنا لنا ساعه ندور الباب

ههههههههههههههههه

ونركب السياره وننحاش ,,

وخوينا دخل المسجد بالغلط ..

ونلف مره ثانيه وناخذه معنا ,,

وياعله ماعادة هالروحه بزعمنا نبي نصير مطاوعه

ههههههههههههههههههههههه

ونطلع من بقعاء كله ,,

ومانوقف الا بحايل من الخوف ومن الموقف ..,

ويوم وصلنا وكل واحد يضحك بدون شعور

هههههههههههــ ..

هالموقف دايم في بالي ,,

واقول الله يستر لو شافنا رجال البيت وش يبي يقول

المصيبه اني اويق من عند الدريشه انا ووجهي هههههههـ ..


ولنا لقاء مع سويلفه ثانيه ..








محبتي \ عشوق