|
احبك من هنا لاخر محطات الغلا لهناك
صباحكم ومساكم فل
نقل قصيده للشاعر عايد الشمرى
اتمنى ان ترتقى لقلوبكم الطيبه
أحبك من هنا لاخر محطـات الغـلا لهنـاك
-----------أحبك كثر ما يهوى رضيع الصـدر غفوآتـه
احبك يابعد كـل الحـروف وعلّهـا تفـداك
-----------أحبك يابعـد بيـت القصيـد وكـل غايآتـه
أحبك يابعد عمرٍ قضى منـي علـى ذكـراك
-----------أحبـك يابعـد مـن داج بالدنيـا بخطوآتـه
أحبك يادفى برد السنين اليا غفـت بحمـاك
----------أحبك يا امل عمـر الوحيـد ويابعـد ذآتـه
أحبك يابعد قلبٍ نـزف كـل الغـلا لرضـاك
----------أحبك يابعد كـل العيـون ونـزف دمعآتـه
أحبك كثر ماتبرى جـروحٍ لامسـة يمنـاك
-----------أحبك كثر ما يلجـا فقيـر الحـال لسكآتـه
أحبك بس لو تعرف وش اللي بالحشا ينخاك
-----------وربي لو كشفت اللي بقلبي!!مـت لرضآتـه
أنا وشلون ابين لك غـلاك ولهفتـي للقـاك
----------انا وشلون اعبر لك عن اللي بيـن طيآتـه
أنا لو قلت لك ببعد وابرحل وانتحي وانسـاك
------------لسانـي!! واعرفـه لازّل ياشيّنـه بزلاّتـه
تعال ارجوك شفني من رحلّت وعبرتي تنعاك
------------تعال وظمنـي ياحـي ذا الطـاري وظمآتـه
تعال وداوني ,,واللي خلقني يالدواء بشفـاك
----------يقولون الجمر طب المريـض بحـر كيآتـه
تعال وخل عنك الصد والهجران!! مايزهـاك
-----------حلاتك توصـل اللـي يـم دارك زاد جيآتـه
أنا والليل وابيات القصايد فـي امـل لقيـاك
---------اقول الشعر والليل الحزيـن يعـدّ نجمآتـه
أماني عاشت بصدري اغاني داخلي تهـواك
------تموت ان غبت وان رديت عاش الليل وابيآته
أنا مقدر على بعدك على صدك على فرقـاك
----------يموت بغيبتك قلبٍ نزف لك حـر حسرآتـه
دخيل الصبح في وجهك دخيل الليل لا غطّاك
----------دخيل الرمش لاسيّر علـى خـدك بسجآتـه
دخيل الجمر والسكردخيل البلسـم! الفتّـاك
------------دخيل اللي تثنّـى ليـن عذبنـي برقصآتـه
أمانه ترحم اللي شاف منّك صدتـك وجفـاك
-----------دخيلك تدمـح الزلـه وغلطآتـه وهفوآتـه
أحبك من هنا لاخر هنا لاخـر هنـا لهنـاك
-----------احبك لعنبو حي الرضيـع وحلـو غفوآتـه
|