ودي اضم جدار بيته وانا ابكيه 00 !

--------------------------------------------------------------------------------

أجـيـه وأدري لــو أجــي مالقيـتـه
لـكـن كــذا أرتــاح لاجـيــت مـاضـيـه

والله لا امـوت وغايـتـي مانسيـتـه
حـتـى بصـلاتـي اطـلـب الله يهنـيـه

الحـاره اللـى تفتـخـر فــي مبيـتـه
نامت كما طفـلٍ فقـد حضـن اهاليـه

حتى في غيابه للشـوارع شكيتـه
قالـت تصـدق عـاد مثلـك انـا اغلـيـه

يشهـد جـداره مـن حنينـي بكيـتـه
ودي أضـم جــدار بيـتـه وأنــا ابكـيـه

ياما بصدق أحساس قلبي عطيته
وياما خذاني من التعـب بيـن اياديـه

أذكـر فـي ذاك اليـوم مــره لقيـتـه
يبكي وضايق ياصاحبـي مـن لياليـه

جيتـه بـدون شعـور لهفـه خذيـتـه
وساعـه أنـا ويــاه جـالـس اواسـيـه

وشرد خيالي مـن دموعـه نسيتـه
جالـس أفكـر فـي دموعـه وناسـيـه

أثـــره يـنـاظـر دمـعـتـي مـارأيـتــه
قام وسألني ليـش تبكـي وأنـا فيـه

مسح دموعي ياصاحبي واحتويته
مثـل الغريـب اللـى تضـمـه غوالـيـه

واليـوم انــا والـدمـع وجــدار بيـتـه
نستـرجـع الـذكـرى قـبــل لايخـلـيـه

..............................................